Barşa ūlt ökılın bauyryna basqan tūǧyry biık elımız tatulyq pen kelısımnıŋ arqasynda talai belesterdı baǧyndyrary sözsız. Tek sol maqsatqa jetu – tılegı men nietı bır berekelı halyqtyŋ enşısınde. Memlekettık tıldı qūrmetteu sol tıldı jan qūştarlyǧymen üirenuden bastalady.
Elımızdegı barlyq memlekettık mekemelerdegı qūjat ainalymyn qazaq tılınde jürgızu ısı äldeqaida ılgerılegenı balabaqşadaǧy büldırşınnen bastap memlekettık qyzmetke jügıngen kez kelgen adamǧa tanys. Būl baǧyttaǧy jūmystar Astana qalasynyŋ Işkı ıster departamentı men onyŋ aumaqtyq bölımderınde de nätijelı oryndaluda.
Osy oraida Nikolai Jgunnyŋ qarapaiym şaŋyraǧy özgelerge ülgı bolarlyqtai. Ol jūbaiymen bırge ışkı ıster organdarynda qyzmet etıp keledı.
Nikolai Jgun 1981 jyly Aqmola oblysy Qorǧaljyn auylynda düniege kelgen. Ūlty belorus bolǧanymen, jan-düniesı, mınez-qūlqy qazaqqa jaqyn. Işkı ıster organdarynyŋ qataryna 2006 jyly kelgen Nikolai ömırde ziiatkerlık pen patriotizmdı biık qoiady. Bügınde Jol-patruldık polisiia polkınıŋ qyzmetkerı, polisiia starşinasy.
– Qazaq tılınıŋ paidasyn köp kördım. Memlekettık tıldı erkın meŋgergenım ömırıme de, qyzmetıme de özgerıster äkeldı. Qazaq qyzyna üilendım. Qyzmette tabysqa jetuıme yqpal ettı. Kelınşegım ekeumızge IID tarapynan üş bölmelı päter berıldı. Juyrda taǧy da säbilı bolatynymyzǧa bailanysty basşylyq üiımızdı tört bölmelı päterge keŋeitıp berdı. İslam jäne İlana esımdı altyndai balalarymyz «Aq kögerşın» qazaq balabaqşasyna barady. Qazaq tılın meŋgerudı ärbır qazaqstandyqtyŋ qasiettı paryzy dep esepteimın. Osy elde tūryp, beibıt ömır sürıp jatqandyqtan kez kelgen ūlttyŋ qazaq tılın erkın üirengenın qalaimyn. Bırınşıden, ol Otanǧa degen qūrmet. Ekınşıden, tıldı bılgennıŋ ziiany bolmaidy. Kerısınşe, qyzmet babynda bolsyn, qoǧamdyq ortada bolsyn, märtebeŋ ösedı dep nyq senımmen aita alamyn. Menıŋ dostarymnyŋ bärı qazaqtar. Qazaq mektebın bıtırgenmın. Äke-şeşem de qazaq tılın bıledı, tüsınedı, – deidı Nikolai Jgun.
Gülmira ŞARHANQYZY
