Järmeŋkede soltüstıktıŋ syiy
![](https://astana-akshamy.kz/wp-content/uploads/2021/10/22bd43ccd6a2401cb013833557497324-1.jpg)
Nūr-Sūltanda elımızdıŋ barlyq öŋırlerınen auyl şaruaşylyǧy tauarlaryn öndıruşılerdıŋ järmeŋkesı jalǧasuda. Osy demalys künderı öz önımın ūsynu kezegı Soltüstık Qazaqstan oblysyna jettı.
Elordaǧa Soltüstık Qazaqstan oblysynyŋ barlyq 13 öŋırınen jäne Petropavl qalasynan myŋ tonnadan astam önım äkelındı.
«Järmeŋkenı Soltüstık Qazaqstan oblysy ötkızude. Oǧan üzdık auyl şaruaşylyǧy tauaryn öndıruşı, 110-nan astam käsıporyn qatysyp, 100-den astam tauar türın ūsyndy. Bız Nūr-Sūltanǧa myŋ tonnadan astam önım äkeldık. Baǧasy naryqtyq baǧadan 15-20 paiyzǧa tömen» dedı Soltüstık Qazaqstan oblysy äkımdıgı Auyl şaruaşylyǧy basqarmasynyŋ basşysy Meiram Jaqsylyqūly.
Baǧalar şynymen qoljetımdı. Siyr etı – 2000 teŋgege, jylqy etı – 2200 teŋgege, qoi etı – 1800 teŋgege, al qūs etı 850 teŋgege satylady. Sondai-aq şūjyq önımderı, bakaleia, süt jäne kökönıs önımderı keŋ assortimentte ūsynylǧan.
Jaŋbyr men jelge qaramastan, ondaǧan elordalyqtar taŋerteŋnen bastap Soltüstık Qazaqstan oblysynyŋ şarualarynyŋ önımderın alyp jatty.
«Bız kartopty 120 teŋgege satyp aldyq, jūmyrtqa men et taŋdap aldyq. Järmeŋke qazan aiynyŋ soŋyna deiın jalǧasatynyn bıldık jäne mūnda sauda jasauǧa asyqtyq» dep bölıstı elorda tūrǧyny Svetlana.
Mūnda barlyq sanitarlyq talaptar saqtaldy. Keluşılerge yŋǧaily bolu üşın aumaqta qozǧalys baǧyty körsetılgen, äleumettık qaşyqtyqty saqtauǧa arnalǧan belgıler bar, turniketterde qol gigienasyna arnalǧan sanitaizerler ornatylǧan. Sondai-aq keluşılerge karantindık şaralardy, sonyŋ ışınde betperde rejimın saqtaudy eske salatyn bannerler bar.
Elordada biyl äleumettık maŋyzy bar azyq-tülık önımderınıŋ baǧasyn tūraqtandyru maqsatynda kökönıster men jemısterdıŋ pısu merzımın eskere otyryp, 14 järmeŋke ötkızu josparlanǧan. Auyl şaruaşylyǧy öŋırlık järmeŋkelerınıŋ mausymy Nūr-Sūltanda 31 qazanǧa deiın jalǧasady. 21 tamyzdan bastap elordadaǧy järmeŋkelerde Türkıstan, Batys Qazaqstan, Şyǧys Qazaqstan, Qyzylorda, Almaty, Atyrau, Jambyl, Aqtöbe jäne Qaraǧandy, Pavlodar, Maŋǧystau jäne Qostanai oblystarynyŋ auylşaruaşylyq tauar öndıruşılerı öz önımderın ūsyndy.
https://youtu.be/YIAuaaXZVY0