Qalalyq äkımdıktıŋ kezektı otyrysynda öŋırlerdıŋ qatysuymen ötetın auyl şaruaşylyǧy järmeŋkelerı jaŋa qalypta ötetının mälım ettı. Aldaǧy mausymda «Han Şatyr» SOO janyndaǧy alaŋdy belgılep, özge öŋırlerdıŋ 20 azyq-tülık järmeŋkesın ötkızu kestesı kelısıldı. Türkıstan oblysy alǧaşqy bolyp önımın ūsynatyn bolady.
– Eger bız järmeŋkedegı baǧa naryqtaǧydan 10-15 paiyzǧa tömen ekenın mälımdegen bolsaq, būl ıs jüzınde oryndaluy tiıs. Bügın halyq azyq-tülık baǧasyn jaqsy tarazylaidy. Qoǧamdyq densaulyq saqtau basqarmasyna sanitarlyq jaǧdaiǧa nazar audarudy, Qoǧamdyq damu ısterı basqarmasyna ötkızıletın järmeŋkeler turaly halyqty habardar etudı, İnvestisiialar jäne käsıpkerlıktı damytu basqarmasyna baǧany baqylaudy jüzege asyrudy, sondai-aq, tauarlardyŋ assortimentın keŋeitudı tapsyramyn, – dep atap öttı Baqyt Sūltanov.
Sonymen bırge audan äkımdıkterımen bırlesıp, qala şetınde ötetın järmeŋkeler oryndary anyqtaldy. Būl Saryarqa audanynda – Köktal-1, Almalyq köşesı 1, Köktal-2 (№68 mektep aldy), Agroqalaşyq (Tılendiev jäne Aqan serı) tūrǧyn alabynyŋ aumaqtary, Almaty audanynda – Jeleznodorojnyi kentı, «Jaǧalau» yqşam audanyndaǧy järmeŋke Esıl audany tūrǧyndaryna qolaily bolady.
