Beisenbı künı elordalyq mäslihatta «Astanadaǧy syrtqy jarnamany ornalastyru tärtıbı men erejelerın saqtau turaly» atty taqyrypta qoǧamdyq tyŋdau öttı.
Oǧan qalalyq säulet jäne qala qūrylysy basqarmasynyŋ, käsıpkerler palatasy men biznes ökılderı qatysyp, osy saladaǧy özektı mäselenı talqyǧa saldy.
Oǧan qalalyq säulet jäne qala qūrylysy basqarmasynyŋ, käsıpkerler palatasy men biznes ökılderı qatysyp, osy saladaǧy özektı mäselenı talqyǧa saldy.
Jiynda Astana qalalyq Säulet jäne qūrylys basqarmasy basşysynyŋ orynbasary Güljan Kivenova baiandama jasady.
– Qalalyq mäslihattyŋ şeşımımen jarnamany ornalastyru tärtıbın saqtau turaly ereje qabyldanǧan. Bız sol ereje aiasynda qaladaǧy zaŋsyz qoiylǧan jarnamalarǧa bailanysty tekseru jürgızdık. Reid barysynda bır jarymnan astam zaŋ būzuşylyq anyqtalyp, olarǧa eskertu qaǧazy berıldı. Äkımşılık jauapkerşılıkke tartyldy. Onyŋ segızı sotqa jıberıldı. 202 ūiym öz qoldarymen jarnamany talapqa sai qaita jasady. Bügınde elordada 50 jarnamalyq kompaniia qyzmet körsetedı. Bıraq onyŋ barlyǧy zaŋ talaptaryn saqtai bermeidı. Öreskel zaŋ būzuşylyqqa jol beredı. Sonyŋ kesırınen elordanyŋ säulettık kelbetıne sai emes jarnamalar ılınedı. Bır aita keterlıgı, mekeme ataulary men jūmys uaqyty jazylǧan maŋdaişa belgıler jarnamaǧa jatpaidy. Oǧan salyq tölenbeidı, – dedı basqarma basşysynyŋ orynbasary.
Baiandamaşynyŋ sözınen keiın, mäslihat deputattary qaladaǧy syrtqy jarnama mätınderınıŋ mazmūny men memlekettık tıldegı audarmasyna köbırek toqtaldy. Aitalyq, S.Seifullin atyndaǧy Qazaq agrotehnikalyq universitetınıŋ rektory, mäslihat deputaty Aqylbek Kürışbaev: «Astanada özge tılde jazylǧan jarnamalar köp. Olardyŋ qazaqşa audarmasy köbınese qate jazylady. Qazaq elınıŋ bas qalasy bolǧandyqtan, memlekettık tılde jazylǧan jarnama köbırek bolu qajet qoi. Osyǧan qoiylǧan talap bar ma, ony kım tekseredı?» dep sūraqty tötesınen qoidy. Oǧan qalalyq Tılderdı damytu basqarmasy onomostika bölımınıŋ basşysy Alma Şoqaeva jauap berdı. «Bızdıŋ basqarma jarnamaǧa qatysty tıl zaŋnamasynyŋ saqtaluyn qadaǧalaidy. Onyŋ ışınde qazaqşa mätınnıŋ qalai tūruy men şriftın qana qaraimyz. Al sözdıŋ maǧynasyn tapsyrys beruşı men jarnama agenttıgınıŋ özı oryndaidy. Bıraq bız ony qarap beremız. Qazaqtyŋ töl tılıne kelmeitın audarma bolsa, tapsyrys beruşıge tüsındıremız. Oǧan keibıreuler kelısedı, keibıreuler kelıspeidı» dep jauap berdı. Qysqaşa aitqanda, Tılderdı damytu basqarmasyna jarnamanyŋ ideologiialyq jäne tärbielık mänın esten şyǧarmai, maǧynasy men audarmanyŋ sapasyna qataŋ baqylau jürgızu tapsyryldy. Jiyn soŋynda mäslihat deputattary barlyq aitylǧan mäselelerdı eskerıp, jarnama qyzmetın lisenziialau erejelerın engızudı ūsyndy.
Azamat ESENJOL
