İnfraqūrylym nysandary – el igılıgıne

Astana äkımı Äset İsekeşev bırneşe infraqūrylym nysandarynyŋ qūryly­syn aralady. Elorda basşysy aldymen «Bäi­terek» qosalqy elektro­stansiiasynyŋ qūrylysymen tanysty, ony 2017 jyly qaŋtarda ıske qosu közdelgen. 

Şaǧyn stansiia jaŋa vokzaldy, №15, 16 sorǧy stansiialaryn jäne älemdık deŋgeidegı «Käsıpqor» kolledjın elektr energiiasymen jabdyqtaityn bolady.

Äset İsekeşev ǧimaratynyŋ qūrylysy aiaqtalǧan №15 sorǧy stansiiasyn da aralap kördı. Mūnda sorǧylardy, qūbyrlardy, injenerlık jelılerdı (su qūbyryn, kärız, nöser kärızın) montajdau jūmystary jürgızıldı. Elektr jäne BÖQjA, tehnologiialyq prosestı basqarudyŋ avtomattandyrylǧan jüiesın montajdau, ışkı ärleu jūmystary jalǧasuda.

Sorǧy stansiiasyn 2016 jyl­dyŋ 15 qazanynda ıske qosu jos­parlanǧan. Sondai-aq, As­tana äkımı JEO-2 jaŋǧyrtu jäne qalpyna keltıru barysymen tanysty.

Sapar soŋynda Äset İsekeşev №9 qalalyq emhanaǧa at basyn tıredı. Emhananyŋ jalpy audany 9935,1 şarşy metr, mekeme zamanaui emdeu-diag­nostikalau jabdyqtarymen jabdyqtalǧan bılıktı mamandar qyzmet etetın 11 bölımnen tūrady. 2016 jyldan bas­tap emhanada Qazaqstan Res­publikasynda densaulyq saqtaudy damytudyŋ 2016-2019 jyldarǧa arnalǧan «Den­saulyq» memlekettık baǧ­darlamasy aiasynda au­ru­dyŋ aldyn alu men bas­qa­ruǧa inte­grasiialyq tūr­ǧy­dan qarau negızınde qoǧam den­sau­lyǧyn qorǧau boiynşa jaŋa saiasat qolǧa alynyp, en­dos­ko­piialyq polipektomiia men gisteroskopiialyq operasiialar praktikaǧa engızıldı.

Azamat ESENJOL