Otbasy künıne orai Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentı men qalalyq käsıpodaq ortalyǧynyŋ ūiymdastyruymen memlekettık qyzmetkerler arasynda «Memlekettıŋ tıregı – otbasy» atty spartakiada öttı.
Şaranyŋ saltanatty aşyluynda Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departament basşysy Jazira Jylqyşieva qatysuşylarǧa sättılık tıledı.
Salauatty ömır saltyn nasihattau maqsatynda ötkızılgen estafetalyq jarysta 10 otbasylyq komanda qappen jügıru, sekıru, qaqpaǧa dop laqtyru, arqan tartu siiaqty sporttyŋ 6 türınen synǧa tüstı. Mäslihat deputattary men qalalyq käsıpodaq ortalyǧynyŋ töraǧasy Tastanbek Esentaev qatysuşylarǧa qazylyq ettı.
Jarys qorytyndysy boiynşa Astana qalasy Tötenşe jaǧdailar departamentınıŋ atynan qatysqan Palevichter otbasy jeŋıske jetse, II oryndy Qoǧamdyq densaulyq saqtau departamentı Esıl audany qoǧamdyq densaulyq saqtau basqarmasynyŋ atynan qatysqan Baimūhambetovter otbasy enşıledı. Al III oryn Astana qalasy Ädılet departamentınıŋ atynan qatysqan İmanbaevtar otbasyna būiyrdy. Jeŋımpazdar kubokpen, medaldarmen, diplomdarmen jäne estelık syilyqtarmen marapattaldy.
