Auyl şaruaşylyǧy ministrı Erbol Qaraşökeev Nūr-Sūltan qalasynda Qazaq ūlttyq agrarlyq zertteu universitetınıŋ üzdık jas ǧalymdarymen kezdesıp, auyl şaruaşylyǧyn damytu jäne ministrlık üşın kadrlyq rezerv daiarlau mäselelerın talqylady.
Ministr öz sözınde elımız üşın bılıktı kadrlar daiarlau sapasyn jaqsartu, joǧary oqu oryndary men ǧylymi-zertteu instituttaryn memlekettık qoldau, agroönerkäsıptık keşennıŋ bäsekege qabılettılıgın arttyru üşın jasalynyp jatqan igılıktı ıster turaly aita kelıp, QR Ükımetı bekıtken 2021-2025 jyldarǧa arnalǧan agroönerkäsıptık keşendı damytu jönındegı Ūlttyq jobanyŋ erekşelıkterıne egjei-tegjeilı toqtaldy.
– Ministrlık üşın kadrlyq rezervtı qalyptastyru – öte auqymdy, şyǧarmaşylyq sipattaǧy jäne standartty emes belgılerı bar kürdelı prosess. Kadrlyq rezervtı qalyptastyruǧa, damytuǧa jäne paidalanuǧa tän älemdık bırqatar täjıribelık täsılder bar. Olardyŋ barlyǧy da ädette auyl şaruaşylyǧy keşenıne qajettılıkterge jauap beretını anyq. Bız de sol halyqaralyq täjıribelerge süienemız ärı osyndai aşyq dialog arqyly ötetın kezdesulerdıŋ de jaqsy nätijeler beretınıne senemız. Būl Memleket basşysynyŋ agro salasynyŋ aldyna qoiǧan maqsattarǧa jetuımızge kömektesedı. Sondyqtan bız üşın özektı zertteuler men ǧylymi jūmystar jürgızu arqyly jergılıktı jerlerde mäselelerdı şeşe alatyn jastarmen kerı bailanys ornatu öte maŋyzdy, – dedı ministr Erbol Qaraşökeev.
Kezdesuge QazŪAZU-dyŋ atynan 10 jas ǧalym qatysty. Öz kezegınde top jetekşısı, jas ǧalym Bekzat Töregeldiev QazŪAZU jas ǧalymdar keŋesınıŋ qyzmetı jäne universitettıŋ jetıstıkterı men aldaǧy damu josparlary turaly aityp berdı.
«Universitettıŋ jas ǧalymdar keŋesı elımızdıŋ joǧary oqu oryndary arasynda QR Tūŋǧyş Prezidentı – Elbasy qorynyŋ «Üzdık jas ǧalymdar keŋesı» ataǧyna ie boldy. Universitettıŋ halyqaralyq bılım haby tabysty jūmys ısteude: akademiialyq ūtqyrlyq damuda, üş tılde bılım beru, sondai-aq aǧylşyn tılınde oqytu jürgızılude. 15 baǧyt boiynşa halyqaralyq jazǧy jäne qysqy mektepter ötkızıledı. Qūramynda 7 ǧylymi-zertteu institut, 8 innovasiialyq ortalyq, 49 zertteu zerthanasy, 18 halyqaralyq zertteu ortalyǧy jūmys ısteitın halyqaralyq agrotehnologiialyq habtyŋ innovasiialyq qyzmetı keŋeitılude» dedı Bekzat Töregeldiev.
Öz kezegınde ministr Erbol Şyraqpaiūly elımızdıŋ äleumettık-ekonomikalyq jäne ǧylymi-bılım beru salasynyŋ türlı mäselelerıne qatysty barlyq sūraqtarǧa jauap berıp, aldaǧy uaqytta mūndai kezdesuler tūraqty sipatqa ie bolyp, agrarlyq sektordyŋ damuyna jaŋa serpın beretınıne sendırdı.
