Astanadaǧy Täuelsızdık saraiynda QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentınıŋ ūiymdastyruymen döŋgelek üstelı mäjılısı öttı.
Jiynnyŋ taqyryby – «Sybailas jemqorlyqqa qarsy ıs-qimyldaǧy jastar men jastar ūiymdarynyŋ ǧylymi jäne pedagogikalyq qyzmetkerlerınıŋ rölı».
– Qazaqstan täuelsızdık alǧannan berı qanşama auqymdy jūmystar atqaryldy. Elımız körkeiıp, halyqtyŋ äl-quaty artty. Elbasynyŋ Ūlt jospary boiynşa bes institusionaldy jüzege asyrudaǧy alǧaşqy reforma käsıptık memlekettık apparatty qalyptastyru bolyp sanalady. Memlekettık qyzmette käsıpqoi mamandar jūmys ısteuı qajet. Sebebı memlekettık qyzmetşıler – Elbasynyŋ sarabdal saiasatyn jüzege asyratyn jauapty tūlǧalar. Sondyqtan olardyŋ bılımı men bılıktılıgı joǧary bolu kerek, – dedı jiynda alǧaşqy sözdı alǧan QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentınıŋ basşysy Tılegen Qaskin.
Şara barysynda sybailas jemqorlyqqa qarsy ıs-qimyl baǧdarlamasynyŋ oryndalu barysyndaǧy jastardy orny turaly köbırek söz qozǧaldy. Belgılı ǧalymdar men jastar ūiymdarynyŋ ökılderı baiandama jasap, özderınıŋ osy salaǧa qatysty pıkırlerın talqyǧa saldy.
Azamat ESENJOL
