Astana qalasy äkımdıgınıŋ «Balalar men jasöspırımder turizmı jäne ölketanu ortalyǧy» memlekettık mekemesınde jauynger-internasionalist Qazbek Abdrahmanov esımın eske tüsıruge arnalǧan HVII futbol turnirı öttı.
Balalar üilerınıŋ tärbielenuşılerı jäne aulalyq klubtar arasyndaǧy jarysqa Astana qalasynyŋ Mädeniet jäne sport basqarmasy, Bılım basqarmasy qoldau körsettı. Jarystyŋ negızgı ūiymdastyruşysy Astana qalasynyŋ «Auǧanstan soǧysy mügedekterı men ardagerlerı odaǧy» qoǧamdyq bırlestıgı būl jolǧy jarysqa segız komandany şaqyrdy. Jarys aiasynda «Arman» lagerınde demalyp jatqan oquşylar men Auǧanstan soǧysy ardagerlerı kezdesıp, «Erlık sabaǧy» ūiymdastyryldy. Künı boiy jasyl alaŋda ötken dop dodasynyŋ qorytyndysynda balalar arasynda «Barys» komandasy bırınşı oryndy jeŋıp alsa, ekınşı orynǧa «Everest» aula kluby komandasy ie boldy. Üzdık üştıktı «Tigry» komandasy tüiındedı. Al jasöspırımder arasynda «Borovichok» komandasy top jardy. Kümıs jüldenı «Kültöbe» komandasy, al qolany «Arman» komandasy qanaǧat ettı.
Jeŋımpazdar men jüldegerlerge kubok, medaldar jäne baǧaly syilyqtar tabys etıldı. Jarys soŋynda «Auǧanstan soǧysy mügedekterı men ardagerlerı odaǧy» ūiymynyŋ basşysy Serık Kenjebekov barlyq qatysuşylardy Astana künımen qūttyqtady. Al äkesınıŋ qūrmetıne ötkızılgen turnirge qoldau bıldırgen mekemelerge Dias Qazbekūly otbasy atynan rizaşylyǧyn bıldırıp, är komandaǧa syilyq taratty.
Beksattar SATTAR
