«Nūr Otan» partiiasynyŋ «Bırlık» filialy astanalyq internasionalist-jauyngerlerge qūrmet körsettı.
Biylǧy jyldyŋ 15 aqpan künı Keŋes äskerlerınıŋ Auǧanstannan şyǧarylǧanyna 25 jyl toldy. Osy elde özınıŋ äskeri boryşyn öteuge 22 269 qazaqstandyq qatysty, onyŋ 924-ı erlıkpen qaza tapty, 1015-y mügedek bolyp, 21-ı habar-oşarsyz kettı. Sondyqtan da Auǧanstannan äskerlerdıŋ şyǧarylǧan künı – auǧan soǧysynyŋ ardagerlerı üşın ärı mereke, ärı qaza tapqan jauyngerlerdı eske alatyn qaraly kün.
Jaqynda «Nūr Otan» partiiasynyŋ «Bırlık» filialy Astana qalasyndaǧy bır top internasionalist-jauyngerlerdıŋ basyn qosyp, igılıktı şara ūiymdastyrdy. Aldymen Auǧanstan soǧysynda qaza bolǧandarǧa arnalǧan eskertkış-memorialǧa gül şoqtary qoiyldy. Qadırlı qonaqtar Tūŋǧyş Prezident mūrajaiyn aralap kördı. QR Ūlttyq akademiialyq kıtaphanasynda ötken döŋgelek üstel mäjılısınde internasionalist-jauyngerler estelıkter aityp, şaraǧa qatysqan jastarǧa aqyl-keŋesterın jetkızdı. Astana qalasynyŋ Auǧanstan soǧysy mügedekterı men ardagerlerı odaǧynyŋ töraǧasy Serık Kenjebekov pen Auǧanstan soǧysy ardagerlerı respublikalyq odaǧynyŋ töraǧasy Şärıpbai Ötegenov aituly şarany ūiymdastyruşylarǧa alǧys bıldırdı.
– Jürekke auyr tietın köp estelıkter men erlıkter bızdıŋ jadymyzda mäŋgılıkke saqtalady. Solardyŋ bırı – auǧan soǧysynyŋ alar orny erekşe. Soǧystyŋ barlyq qasıretın bastarynan ötkerıp, özderınıŋ janyn pida etken, Otanynan şet jerde soǧysa otyryp, erlık jasaǧan erler üşın keudenı maqtanyş kerneidı. Būl atqarylǧan şaralar auǧan jauyngerlerıne bız jasai alatyn qamqorlyqtyŋ bır bölşegı ǧana, – dep şarany tüiındegen «Nūr Otan» partiiasy «Bırlık» filialy töraǧasynyŋ bırınşı orynbasary Äliia Qaişarova arnaiy şaqyrylǧan qonaqtardyŋ bärıne estelık syilyqtar ülestırdı.
