Biyl Otan qorǧauşylar künı men Ūly Jeŋıstıŋ 73 jyldyǧyna arnalyp, «Otar» äskeri poligonynda ötken jauyngerlık şeruge qatysqan Astana qalasy aumaqtyq qorǧanys brigadasynyŋ 25 jauyngerı qala äkımı Äset İsekeşevtıŋ Alǧys hatymen marapattaldy.
Qala basşysynyŋ atynan jauyngerlerdı Astananyŋ Qorǧanys ısterı departamentınıŋ basşysy Ardaq Qūqatov qūttyqtady.
«Memlekettık maŋyzy bar şaraǧa sızderdıŋ qosqan ülesterıŋız zor. Qazaqstan Prezidentı – QR Qaruly küşterınıŋ Joǧarǧy bas qolbasşysy Nūrsūltan Nazarbaev Qaruly küşter bölımderı men aumaqtyq qorǧanys brigadalarynyŋ qimylyna özınıŋ joǧary baǧasyn berdı. Memleket basşysy aumaqtyq qorǧanys brigadalaryna äskeri tudy tapsyrdy. Sızder būl tarihi oqiǧanyŋ kuägerı atandyŋyzdar. Būl – memleket basşylyǧy men halyq tarapynan sızderge artylǧan zor senım. Bız būl joǧary senımdı aqtauymyz kerek. Qala äkımı atynan sızderge elımızdıŋ qorǧanys qabıletın joǧarylatu ısınde tabys pen sättılık tıleimın» dedı ol.
«Qaruly küşterı ardagerlerı» respublikalyq qoǧamdyq bırlestıgı ortalyq keŋesı töraǧasynyŋ orynbasary, general-maior Marat Nūǧymanovtyŋ aituynşa, Astana qalasy aumaqtyq qorǧanys brigadasyna Otan aldynda äskeri boryşyn ötegen, bügıngı taŋda zapastaǧy jauyngerler qabyldandy.
