«Sybailas jemqorlyqqa qarsy küres turaly» Qazaqstan Respublikasynyŋ Zaŋyn, memlekettık qyzmet turaly zaŋdardaǧy jemqorlyqqa qarsy normalardy jüzege asyru özekke tüsken jegıqūrttai jemqorlyqqa qoǧamnyŋ tözbeuşılıgın qalyptastyru öz jemısın berıp keledı.
Deitūrǧanmen onymen küres jolynda būl şaralar jetkılıksız, älı de qosymşa qareketterge baruymyz kerek ekenın täjıribe aiqyndap otyr. Atap aitar bolsaq, jemqorlyqqa qarsy baǧdarlamanyŋ jürgızılu barysynan halyqty ūdaiy qūlaǧdar qylyp otyru, memlekettıŋ osy terıs ürdıske tosqauyl qoiu jolyndaǧy saiasatyn keŋınen nasihattau, qoldanystaǧy zaŋdardy tüsındıru, aimaqtardaǧy, türlı salalar men vedomstvolardaǧy jemqorlyq qareketterdıŋ salystyrmaly indeksın tüzıp, būqaralyq aqparat qūraldarynda ünemı jariialap otyrudyŋ arqasynda osynau ospadarlyqtyŋ aua jaiyluyn auyzdyqtauǧa bolady.
Osy oraida, memlekettık jäne qūqyq qorǧau organdarynyŋ būqaralyq aqparat qūraldarymen tyǧyz qarym-qatynasta bolu kerek ekendıgıne basa nazar audarǧym keledı. Öitkenı, tele-radio, gazet-jurnal, internet jüzınde zaŋdy būzudyŋ soŋy zar qaqsatatyny, jazadan jaltaru mümkın emestıgı, sondyqtan, eŋ dūrysy – zaŋǧa baǧynu kerektıgı keŋınen nasihattalsa, qūqyq qorǧau organdarynyŋ bedelı ösıp, qoǧamdaǧy rölı artar edı.
Aita ketu kerek, jemqorlyqpen küres jolynda ekonomikadaǧy memlekettıŋ qatysuyn retteu, buhgalterlık eseptıŋ, kadr daiarlaudyŋ halyqaralyq standarttaryn engızu, memlekettık deŋgeidegı zaŋdardan (bırınşı kezekte TMD memleketterınıŋ) täjıribe igerıp, mazmūndyq jaǧynan bır-bırıne ūqsastyru edäuır oŋ özgerıster äkeldı. Osynyŋ nätijesınde memlekettık baǧdarlamadaǧy belgılengen mejege säikes öz kezegınde ekonomikalyq, äleumettık, saiasi zardaptary bar jemqorlyq degen qauıptı derttıŋ soŋǧy jyldary azaia bastaǧanyn baiqaimyz.
Dei tūrǧanmen, elımızdegı jemqorlyq mäselesı turaly söz qozǧai otyryp, onyŋ statastikalyq dinamikasy aumaly-tökpelı ekenın de ūmytpauymyz kerek.
Jemqorlyq qylmystardyŋ aşylu körsetkışınıŋ artuy men tömendeuı bırınşı kezekte onymen küres jürgızetın qūqyq qorǧau jäne basqa da memlekettık organdar jūmysynyŋ küşeiuı nemese bäseŋdeuıne tıkelei bailanysty ekenın qaperge alu kerek.
Bır qaraǧanda, jemqorlyq aita-aita äbden qūlaqqa üirenşıktı bolǧandyqtan, qūlyqsyz tyŋdaityn taqyryp siiaqty körıngenımen, onymen kürestıŋ tüp negızınde memlekettıŋ müddesı, ärbır azamattyŋ müddesı jatqanyn barşamyz ūǧynuymyz kerek.
Iаǧni, jemqorlyqpen küres tek tūtylǧandy tūtqyndaumen ǧana şektelmeidı. Onyŋ ar jaǧynda jergılıktı atqaruşy organdar jürgızetın ekonomikalyq saiasattaǧy aşyqtyqty qamtamasyz etu, memlekettıŋ materialdyq jäne qarjylyq resurstaryn tiımdı paidalanu, tūrǧyndarǧa qūqyqtyq qyzmet körsetudıŋ sapasyn jaqsartu, astanamyzdyŋ qūqyqtyq sanasy joǧary qala retındegı bet-beinesın qalyptastyru, memlekettık qyzmetkerler men käsıpkerlık subektılerın barmaq basty, köz qystylyqtan aulaq boluǧa daǧdylandyru, äleumettık şielenıstı boldyrmau, kerısınşe qoǧam ışınde tūraqtylyqty, halyqtyŋ bilıkke degen senımın qalyptastyru sekıldı maŋyzdy mındetter jatqanyn ūmytpauymyz kerek.
Osy oraida QR Bas prokuraturasy Qūqyqtyq statistika jäne arnaiy esepke alu jönındegı komitetı men onyŋ aumaqtyq basqarmalary sybailas jemqorlyqpen küres mäselesı jönınde tek öz qyzmetkerlerınıŋ arasynda ǧana emes, özge de memlekettık mekemeler, joǧary oqu oryndarynda ūdaiy därıster men kezdesuler ötkızıp tūrady.
Mysaly, Komitettıŋ Astana qalasy boiynşa basqarmasy biyldyŋ özınde elordanyŋ bırneşe mekemesınde, qalanyŋ şetkerı kentterınde halyqpen kezdesu ötkızıp, baspasöz betınde bırneşe maqala jariialady. Iаǧni, memlekettıŋ jemqorlyqqa qarsy küres saiasatyn äleumet arasynda nasihattap, qarapaiym adamdardy osy mäsele töŋıregınde qūqyq qorǧau organdarymen yqpaldasa jūmys ısteuge ündeu Komitettıŋ Astana qalasy boiynşa aumaqtyq basqarmasynyŋ maŋyzdy mındetterınıŋ bırı sanalady.
N.Aiazov,
QR Bas prokuraturasy Qūqyqtyq statistika jäne arnaiy esepke alu jönındegı komitetınıŋ
Astana qalasy boiynşa aumaqtyq basqarmasynyŋ prokurory.
