Taiauda Şvesiiada tai boksynan ötken halyqaralyq chempionatta elordalyq tört sportşy – Aleksei Magdeev, Nikolai Samsuev, Aian Tajanov, Dmitrii Zuev älem chempiony atandy. Jat jerde elımızdıŋ kök bairaǧyn jelbıretken jeŋımpazdardy Astanadaǧy Esıl audanynyŋ äkımı Säbila Mūstafina qabyldap, syi-siiapat körsettı.
Soŋǧy jyldary elımızde tai boksy jaqsy damyp keledı. Äsırese, elordalyq jastardyŋ oǧan degen qyzyǧuşylyǧy joǧary. Bas qalanyŋ ırgesındegı Zarechnyi kentınde ornalasqan «Töbet» sport kluby osy baǧytta jemıstı jūmys atqaruda. Bügınde atalǧan klubtan jasöspırımder arasynda Qazaqstannyŋ 20-dan astam chempiony şyqqan. Onyŋ syrtynda 50-ge juyq jas kümıs jäne qola jüldeger atanǧan. Qysqasy, bas qalada sporttyq klubtyŋ ataǧy dürkırep tūr dese bolady.
–Mamyr aiynyŋ 19 men 29 aralyǧynda Şvesiianyŋ Ioncheping qalasynda tai boksynyŋ älemdık dodasy öttı. Oǧan köptegen eldıŋ sportşylary qatysty. Tai boksy – sporttyŋ qatal türı sanalady. Soǧan qaramastan bızdıŋ jıgıtter aianyp qalǧan joq. Bar şeberlıkterın saldy. El namysyn qorǧady. Törteuı de älem chempiony atandy. Osyndai jeŋıspen oralǧanymyzda bızdı jaqsy qarsy alyp, qūrmet körsetıp jatqan Esıl audanynyŋ äkımdıgıne alǧys aitamyz, – deidı Astanadaǧy tai boksynyŋ jasöspırımder arasyndaǧy aǧa bapkerı Dias Qabduov.
Säbila Saparqyzy da elımızdıŋ abyroiyn asqaqtatyp, Astanany älemge taǧy bır tanytyp kelgen jüldegerlermen erkın söilestı. Sport salasyndaǧy jetıstıkterımen bölıstı. «Ärqaşan osyndai biıkten körınıp, elımızdıŋ kök bairaǧyn jelbırete berıŋızder» dep olarǧa jyly lebızın bıldırdı.
Azamat ESENJOL
