Bügınge bas qalanyŋ kelbetın būzyp, tazalyq normalaryna atüstı qaraityndar azaimai tūr. Kerek bolsa üiınen şyǧatyn tūrmystyq qaldyqtaryn arnauly jäşıkterge tastauǧa erınıp, üi ainalasyna şaşyp kete beretın tūrǧyndar da bar. Mūndai olqylyqtar, äsırese, üi-jaiyn jalǧa beruşıler arasynda köp taralǧan.
Köpşılıgı üi-jailaryn jalǧa berıp, aqşa tabudy jaqsy bılgenımen, aulaǧa arnaiy qoqys jäşıgın ornatu turaly talap baryn müldem estımegen bolyp jatady. Zaŋ boiynşa, päterın jalǧa beruşı tūrǧyndar «Astana-Tazalyq» mekemesımen qatty tūrmystyq qaldyqtardy şyǧaru turaly qoǧamdyq kelısımşartqa otyryp, jaldap otyrǧan adamnyŋ sanyna qarai aqşa töleuı tiıs eken. Alaida, köbı būl zaŋdylyqtyŋ belınen basyp, üiınde tūratyn adam sanyna qarai azyn-aulaq aqşa tölep qūtylyp jatady.
Osyndai zaŋsyzdyqtardy retteu jäne aldyn alu maqsatynda qala äkımı Ädılbek Jaqsybekov arnaiy jūmys toptaryn qūryp, aptanyŋ är beisenbısınde arnaiy reidter jürgızudı tapsyrǧan-dy. Osyndai kezektı reid-şarasyna «Astana aqşamy» gazetınıŋ tılşılerı de qatysyp, sanitarlyq talap mäselesıne qatysty tärtıp būzuşylyq faktılerın bırge tekserıp kördı.
«Astana-Tazartu» käsıpornynyŋ baqylauşylary men polisiia inspektorlary jäne «Astana Eko-Poligon NS» mamandary bırneşe jeke sektorǧa baryp, tekseru jürgızıp, ekologiia talaptaryn būzu jäne tūratyn adamdardyŋ sanyn jasyru faktılerın anyqtady. Nätijesınde hattamalar toltyrylyp, tüsındırme jūmystary jürgızıldı.
Bürkıt NŪRASYL
