Köktemnıŋ alǧaşqy merekesı – 8 nauryz saiyn atap ötıletın Halyqaralyq äielder künı. Äiel – ana, äiel – äpke, äiel – bızdıŋ ūstazdarymyz, qala berdı – qaryndasymyz. Rasynda, mūǧalımderdıŋ köbı näzıkjandy äielder qauymynan. Sondyqtan da, mereilı merekenıŋ aldynda şäkırt tärbiesıne bar ömırın arnaǧan ūstazdar qauymyna gazetımızdıŋ bır betın arnadyq. Būny bızdıŋ merekege orai joldaǧan qūttyqtauymyz dep te, el üşın sıŋırıp jürgen eren eŋbegıne aitar alǧysymyz dep te qabyldaŋyzdar.
Bızdıŋ jolymyz tüsıp, jüzdesken ūstazdarymyz – №7 mektep-gimnaziianyŋ mūǧalımderı. Äuelgı sūhbatymyz 2 «a» synybynyŋ jetekşısı Ǧaliia Mamyrbekovamen boldy. Künı erteŋ 53-şı köktemın qarsy alǧaly otyrǧan äpkemız äŋgımenı eŋbek jolyna alǧaş qadam basqan jyldardan bastady.
19 jasynan berı bastauyş synyptarǧa sabaq berıp kele jatqan Ǧaliia Asanqyzy 1960-ynşy jyly dana Abai, Şäkärım, Mūhtar tuǧan öŋırde, Tarbaǧatai tauynyŋ bauraiynda ornalasqan Ürjar atty tabiǧaty äsem auylda nauryz aiynyŋ üşınşı jūldyzynda düniege kelgen. Äkesı – Köbeldesūly Asan mehanizator bolǧan eken. Al, anasy – Kärımqyzy Sailauhan balasyn jazu, syzu, oquǧa kışkentaiynan üiır qylyp tärbieleptı. 1975 jyly Egınsu orta mektebın üzdık bıtırgen ol Qanyş Sätbaev, Säken Seifullin, Älkei Marǧūlan syndy daryndy tūlǧalar bılım alyp, därıs bergen Semei qalasyndaǧy Mūhtar Äuezov atyndaǧy pedagogikalyq uchilişege tüsıp, 1978 jyly bıtırıp şyǧady. 1979 jyldyŋ qaŋtar aiynan bastap özı oqyǧan mektebınde ūstazdyq qyzmetın bastap, sodan berı üzdıksız 34 jyl boiy osy salada eŋbek etıp keledı. Osy eŋbek ötılınıŋ 27 jylyn tuǧan jerınde ötkızse, soŋǧy 7 jyl boiy elordamyzda zamanǧa laiyq jaŋa tehnologiialarmen sabaq berıp keledı.
Qalalyq basylymdar arqyly ärıptesterımen täjıribesın bölısumen kelgen ūstazdyŋ bıraz eŋbekterı bar eken: 2000, 2009, 2010 jyldary Diktanttar jinaǧyn, «Matematika pänınen logikalyq tapsyrmalar jinaǧy 1-4 synyp» ädıstemelık qūralyn, «Oqu ürdısınde syn tūrǧysynan oilaudy damytu» jobasyn paidalanu», «Esepke jüirık ekenbız» atty kıtapşa jäne «Matematika pänınen logikalyq tapsyrmalar» syndy bırqatar jinaqtaryn jaryqqa şyǧarypty.
«Şäkırtsız ūstaz – tūl». Bügınde özı tärbielep kele jatqan bastauyş synyp oquşylary ışınen bılım jäne öner saiystarynda top jaryp jürgenderı az emes. «Söz marjany» atty jas jürgızuşıler arasynda ötken qalalyq baiqauda «Sahnanyŋ kümıs dauysy» atalymy boiynşa Kamila Meldeqūl men Dias Hamzenov diplommen marapattalsa, taǧy bır oquşysy Arujan Saǧyndyq Astana qalasy Bılım basqarmasy «Astana Daryny ÖǦPO» qalalyq «Zerde» zertteu jūmystary men şyǧarmaşylyq jobalar konkursynyŋ «Biologiia» seksiiasy boiynşa erekşe körsetken jetıstıkterı üşın III orynǧa ie bolǧan. Däl osy saiys-ta «Öner» seksiiasy boiynşa Merhat Kaken esımdı şäkırtı top jarǧan. Sonymen qatar, qalalyq «Būrymdy qyz» baiqauynda Bibınūr Maqsotova jäne Ajar Beisembaeva diplommen marapattalǧan, t.t. Būlar – mektep tabaldyryǧyn keşe ǧana attaǧan bırınşı, ekınşı synyp oquşylarynyŋ tyrnaqaldy jetıstıkterı. «Talaptyǧa dem berse, taudai asu asady» demekşı, talpynysyna qanat bıtıretın ūstazdary bolsa, daryndy şäkırttıŋ alar biıgı alda dep senu läzım.
Ǧaliia apaiymyzdyŋ eŋbegı eleu-sız dep aita almaimyz. Osyǧan deiın özı de talai ret alǧys alyp, marapatqa ie bolypty. «Sonyŋ ışınde eŋ orny joǧarysy «Qazaqstan Respublikasy Bılım beru ısınıŋ qūrmettı qyzmetkerı» atty medal» deidı özı. Orny erek marapattarynyŋ taǧy bırı – qalalyq Bılım basqarmasynyŋ «Astananyŋ jyl mūǧalımı» konkursynda «Izdenımpaz mūǧalım» atalymy boiynşa bergen qūrmet gramotasy. Osy syndy köptegen madaqtamalar ūstazdyŋ ızdenımpazdyǧynyŋ, eŋbegıne adaldyǧynyŋ jäne talmai, tabandy türde jasap kele jatqan jūmysynyŋ jemısı dep bılemız.
Erbol JANAT
