Üstımızdegı jyldyŋ 20-synşy şıldesı künı keşkı saǧat 20.00-de «Astana Arena» alaŋynda «Astana» futbol kluby men litvalyq «Jalgiris» komandalary arasynda qarymta match ötedı.
Osyǧan orai match ötetın künı 19.00-den bastap Qabanbai batyr jäne Tūran daŋǧylynyŋ Kerei Jänıbek handar köşesınen Husein Ben Talal köşesıne deiın jol qozǧalysy uaqytşa toqtatylady. Şekteu oiyn aiaqtalǧanǧa deiın sozylady. «Jürgınşılerge osy merzım aralyǧynda Orynbor köşesı arqyly ainalyp ötu qozǧalysy ūsynylady. Jergılıktı polisiia qyzmetı jürgızuşılerden jolda mūqiiat boluyn jäne jeke jol kölıkterınen bas tartyp matchqa qoǧamdyq kölıktermen barudy sūraidy. Sondai-aq, Halyqaralyq äuejaiǧa jol jürudı josparlaǧan azamattar men sol maŋaidaǧy audan tūrǧyndaryna aldyn ala balamaly jol qozǧalysyn josparlap aludy ūsynamyz» deidı Astana qalasy IID Jergılıktı polisiia qyzmetınıŋ bastyǧy Baqytjan Malybaev.
Esesıne match ötetın stadionǧa arnaiy reister ūiymdastyrylmaq. Būl reisterge «Qazaqstan» SK, Qalalyq sirk, Mūŋaitpasov atyndaǧy alaŋnyŋ kölık tūraqtarynan, sondai-aq, «Hazıret Sūltan» jäne «Nūr Astana» meşıtterınıŋ aldynan otyruǧa bolady. «Futbol matchynyŋ janküierlerın jinau jäne jetkızu maqsatynda jasaqtalǧan arnaiy reister keşkı 18.00-den bas-tap jüre bastaidy. Jol jüru qūny ädettegıdei 90 teŋge. 21.30-dan bastap küşeitılgen rejimdegı taǧy 100 avtobus qosatyn bolamyz. Naqty aitar bolsaq, 10, 12, 27, 37, 40, 43, 53, 51 sekıldı taǧy 8 türlı marşrut qatynaidy» dedı «Astana LRT» JŞS jolauşylar kölıgı bölımınıŋ basşysy Beibıt Esjanov.
Bürkıt NŪRASYL
