Memleket basşysynyŋ töraǧalyǧymen Qauıpsızdık keŋesınıŋ şūǧyl otyrysy öttı
Otyrys barysynda Işkı ıster ministrı Q.Qasymovtyŋ, Ūlttyq qauıpsızdık komitetınıŋ töraǧasy V.Jūmaqanovtyŋ, sondai-aq Qauıpsızdık keŋesınıŋ basqa da müşelerınıŋ Almaty qalasyndaǧy oqiǧalarǧa qatysty baiandamalary tyŋdaldy.
Qazaqstan Prezidentı qaza bolǧandar men zardap şekkenderdıŋ otbasylaryna köŋıl aitty jäne olarǧa memlekettık organdardyŋ barlyq qajettı kömektı körsetuın tapsyrdy.
– Bügın Almatyda, ökınışke qarai, taǧy da adam qūrbandyǧyna ūşyratqan terrorlyq akt boldy. Zardap şekkender men qaza bolǧandardyŋ jaqyndaryna köŋıl aitamyn, olarǧa tiıstı psihologiialyq jäne materialdyq qoldau körsetu kerek. Sondai-aq qūqyq qorǧau organdaryna qaladaǧy qūqyq tärtıbın qamtamasyz etu tūrǧysynan barlyq qajettı şarany qabyldaudy tapsyramyn, – dedı Nūrsūltan Nazarbaev.
Memleket basşysy azamattardy aqparattyq keŋıstıktegı yqtimal arandatuşylyqtarǧa boi aldyrmauǧa şaqyrdy.
– Qazır qūqyq qorǧau organdary jūmys ıstep jatyr, qaskünemderdıŋ kım jäne qandai maqsat közdegenın anyqtauda. Jūrt köp jinalatyn oryndardy qorǧap, jaralanǧandarǧa medisinalyq kömek körsetu jönınde jedel şaralar qabyldau kerek. Qylmyskerlerdı anyqtau üşın şūǧyl türde tolyq tergeu jürgızu qajet. Sondai-aq Almaty tūrǧyndaryna tūraqty türde mälımet berıp, jalpy qoǧamdyq tynyştyqty qamtamasyz etu kerek. Qaueset taratuşylardyŋ aiausyz türde jolyn kesıp, arandatuşylardy anyqtau maŋyzdy. Almatydaǧy jäne respublikadaǧy barlyq azamattar tärtıptı retke keltıru üşın eŋ qataŋ şaralar qabyldanyp jatqanyna senımdı boluǧa tiıs, – dedı Qazaqstan Prezidentı.
Otyrys qorytyndysy boiynşa Nūrsūltan Nazarbaev Işkı ıster ministrıne oqiǧa ornyna barudy jäne Almaty qalasynyŋ äkımımen bırlesıp, qaladaǧy jaǧdaidy tūraqtandyru jönınde şaralar qabyldaudy tapsyrdy.
Sonymen qatar Memleket basşysy Aqparat jäne kommunikasiialar ministrlıgıne azamattardyŋ barlyq saualdaryna jedel jauap berıp, halyqqa uaqtyly jäne tolyq aqparat berıp otyrudy tapsyrdy.
akorda.kz
