Aumaqtardy aralau barysynda E.Bekmyrzaev 10 myŋnan astam adam tūratyn «Jeleznodorojnyi» tūrǧyn alaby tūrǧyndarymen kezdesıp, özektı mäseleler men tūrǧyn alapty damytu josparlaryn talqylady.
Tūrǧyndar jaryqtandyru, abattandyru, gazdandyru siiaqty türlı mäselelerdı köterdı. Barlyq sūraqtar kezdesu hattamasyna engızıldı. Audan basşysy äleumettık-ekonomikalyq damuǧa belsene qatysyp jatqan tūrǧyndarǧa alǧys aitty.
Jalpy «Jeleznodorojnyi» tūrǧyn alabynda 12 köppäterlı tūrǧyn üi, 654 jer üi, 4 bılım beru nysany (№29 mektep, tehnikalyq kolledj, 2 balabaqşa), 3 densaulyq saqtau nysany (№11 emhananyŋ filialy, Kovid ortalyq, tubdispanser) bar.
Tūrǧyn alapta jalpy ūzyndyǧy 16 şaqyrymdy qūraityn 19 köşenıŋ 8-ınde asfalt joq. Biyl ekı köşe asfalttaldy. Sondai-aq äl-Farabi köşesınen J.Jabaev köşesıne deiıngı aralyqty keŋeitu jürgızılıp jatyr. Keregetas köşesınde 21 jaryqtandyru baǧany, 21 aspaşam, Aqjar köşesınde qosymşa 2 aspaşam ornatyldy.
«Jeleznodorojnyidy» gazdandyru jobasy tolyǧymen 2020 jyly aiaqtaldy. 654 abonenttıŋ 254-ıne tehnikalyq şarttar berılıp, 84 abonent gazǧa qosyldy. Būl tūrǧyn alapta qoǧamdyq kölıktıŋ qatynauy men joldar qūrylysy boiynşa problemalar bar. Ekıbastūz köşesınde jol naşar bolǧandyqtan, №15 baǧdar atalǧan köşege barmaidy. Ol üşın būl köşenı jöndeu kerek. Aqtasty, Aqjar, Aşysai, İmanaq, Orbūlaq, Ekıbastūz, Şalqar, N.Töreqūlūly köşelerın abattandyrudyŋ keşendı jobasyna qosu qajet.
Atalmyş eldı mekendegı elektrmen jabdyqtau jelılerınıŋ 80 paiyzy tozdy. Jaǧdaidy tüzeu üşın «Qazbek» qosalqy stansasy qūrylysyn tezdetıp, jaŋa jelılerdı «Astana-REK» AQ balansyna beru kerek. Būǧan qosa, ekı taratu jelısı men transformator jelısın salu kerek. Būl jobanyŋ qūny – 4 mlrd teŋge.
