«Saryarqa Jugiru» onlain-jarysyna barlyq qazaqstandyqtar qatysa alady.
Elordada 13 jeltoqsanǧa deiın ötetın bır aptalyq «Saryarqa Jugiru» onlain-jarysy bastaldy. Bügıngı taŋda oǧan qatysuǧa 120 adam tırkeldı. Alaida ötınımder jarys kezınde de qabyldanady. Jarysqa www.jgr.kz saitynda 13 jeltoqsanǧa deiın onlain tırkeluge bolady. Jarysqa sportqa qarsy körsetılımderı joq adamdardyŋ barlyǧy qatysa alady.
«Saryarqa Jugiru» jarysynyŋ qaşyqtyǧy – 5 şaqyrym. Qatysuşylar jarys marşrutyn apta ışınde bırneşe ret kez kelgen yŋǧaily uaqytta jügıre alady. Jeŋımpazdy anyqtau üşın sportşynyŋ eŋ üzdık ūpaiy sanalady.
Ol üşın Strava qosymşasynda jügıru körsetkışı tırkeluı kerek. Ärı qarai nätijeler tekseru prosedurasynan soŋ www.jgr.kz saitynda jariialanady.
Onlain jarysqa qatysudyŋ maŋyzdy şarttarynyŋ bırı – Instagram paraqşaŋyzda jarys turaly habarlama jariialau jäne #saryarkamarathonchallenge ıs-şara heştegın, Nūr-Sūltan jeŋıl atletika federasiiasynyŋ @nsathleticskz, «Jugiru» platformasynyŋ @jgr.kz jäne Saryarqa audany äkımdıgınıŋ @saryarka.akimat profilderın, belgıleu bolyp tabylady.
Jeŋımpazdar 16 jeltoqsanda marapattalady.
Köktal-1 tūrǧyn alabynyŋ jaŋa saiabaǧynda qaşyqtyqqa jügırgen qatysuşylarǧa arnalǧan syilyqtar:
I oryn – iPhone 12; II oryn – 300 $; III oryn – 200 $.
Qalanyŋ basqa audandarynda jügırgen jäne Qazaqstannyŋ basqa qalalary men oblystarynda, sondai-aq respublikadan tys jerlerde tūratyn qatysuşylarǧa arnalǧan syilyqtar:
I oryn – 150 $; II oryn – 100 $; III oryn – 75 $.
Nūr-Sūltan qalasy äkımdıgınıŋ qoldauymen, Qazaqstan Respublikasynyŋ Jeŋıl atletika federasiiasy, Nūr-Sūltan qalalyq jeŋıl atletika federasiiasynyŋ ūiymdastyruymen ötıp jatqan onlain jügırudıŋ jeŋımpazdary men jüldegerlerı mereitoilyq medaldarmen jäne sertifikattarmen marapattalady.
Barlyq egjei-tegjeilı aqparatty jgr.kz resmi saitynan aluǧa bolady.
