Nūr-Sūltan qalasynyŋ Jūmyspen qamtu ortalyǧy tūraqty negızde bos jūmys oryndary järmeŋkesın ötkızude. Biyl pandemiiaǧa bailanysty şara onlain ūiymdastyryluda.
Qala äkımdıgı mälım etkendei, jūmys tapqysy keletınder äleumettık jelıden tıkelei efirlerdı köre alady. Transliasiia kezınde jūmys beruşıler negızgı eŋbek jaǧdailary men bos jūmys oryndary turaly aitady.
«Ortaşa alǧanda, bır şaǧyn sūhbat şamamen 10-15 minutty qūraidy. Būl kezde kompaniia ökılderı negızgı jūmys jaǧdailaryn tüsındıredı. Tıkelei efirdı köretınder jäne jūmys ornyna qyzyǧuşylyq tanytqandar kompaniianyŋ bailanys aqparatyn jazyp alyp, pıkır qaldyra alady nemese Jūmyspen qamtu ortalyǧyna habarlassa, olar qajettı derekterdı tabuǧa kömektesedı» dep tüsındırdı jūmys beruşılermen özara ıs-qimyl bölımınıŋ basşysy Baqyt Raqyşeva.
Aita keteiık, qūrylys, sauda, tamaq jäne densaulyq saqtau salalarynyŋ mamandary bügınde eŋbek naryǧynda eŋ köp sūranysqa ie. Sūranysy joǧary mamandyqtar qatarynda jūmysşy, montajşy, brigadir, kırpış qalauşy, armaturaşy, kassir, satuşy, sanitar jäne taǧy basqalary bar.
«Tūrǧyndar öz qalauyna bailanysty jūmys taba alady. Köbıne basqa format ūsynylady, onyŋ ışınde jartylai jūmys künı de bar» dep tüsındırdı Jūmyspen qamtu ortalyǧynda.
Onlain järmeŋkeler är ekı apta saiyn beisenbı künı saǧat 15:00-de Nūr-Sūltan qalasynyŋ Jūmyspen qamtu ortalyǧynyŋ Instagram paraqşasynda ötedı. Bos jūmys oryndar järmeŋkesınıŋ tolyq nūsqasyn IGTV-de köruge bolady. Vakansiialar turaly aqparat www.enbek.kz portalynda da jariialanady. Qosymşa aqparatty 7 (7172) 57 89 37, 57-88-89, 24-83-02, 8 777 116 82 73 telefondary arqyly aluǧa bolady. Jūmyspen qamtu ortalyǧynyŋ mekenjaiy: Beibıtşılık köşesı, 25, «Örken» ıskerlık ortalyǧy.
