Elorda äkımı Altai Kölgınov «Femida» jäne «Bereket» tūrǧyn üi keşenderınıŋ qūrylys barysymen tanysty.
«Problemaly dep tanylǧan üĭlerge baryp, atqarylyp jatqan jūmystardy baqylau qūrylystyŋ qandaĭ qarqynmen jürıp jatqanyn köruge mümkındık beredı. Qūrylysy ūzaqqa sozylǧan üĭlerde jaǧdaĭ ärtürlı: bır jerde tek qazanşūŋqyr ǧana bolsa, endı bırınde üĭdıŋ qaŋqasy ǧana boldy. Keĭ ǧimarattarda bölşekteu jūmystaryn jürgızıp, üĭ syzbasyna özgerıster engızudı qajet etedı. Keĭ üĭlerde 5 qabattyŋ ornyna 9 qabat salynyp, üleskerlerge satyldy.
Bügın «Femida» (Abat) jäne «Bereket» tūrǧyn üĭlerınıŋ qūrylys jūmystarynyŋ barysymen tanystym. Tūrǧyndarmen kezdesulerde atalǧan üĭlerdıŋ üleskerlerı bırqatar maŋyzdy mäselelerdı kötergen bolatyn, olardyŋ basym bölıgı şeşıldı. İnjenerlık jelılerdı qosamyz. Üĭlerdı jylytu mausymyna daĭyndau qajet. Üĭ qūrylysy biyl aiaqtalady dep josparlap otyrmyz.
Qūrylysşylarǧa qoĭylatyn basty talap – qūrylys jūmystaryn sapaly oryndau. Aumaqty abattandyrumen aĭnalysu qajet» dep jazdy Altai Kölgınov özınıŋ Instagram paraqşasynda.
