Jūma künı Jūmyspen qamtu ortalyǧynda «Jūmyspen qamtu jäne halyqtyŋ äleumettık älsız toptaryn qoldau» baǧyty boiynşa komissiia men Parlamenttık tyŋdaulardy daiyndau jönındegı arnaiy uaqytşa komissiianyŋ bırlesken köşpelı otyrysy öttı. Oǧan QR Parlamentı Mäjılısınıŋ deputattary, memlekettık organdardyŋ, käsıpodaqtar men memlekettık emes ūiymdardyŋ ökılderı qatysty.
Otyrys barysynda Nätijelı jūmyspen qamtu jäne jappai käsıpkerlıktı damytudyŋ 2017-2021 jyldarǧa arnalǧan baǧdarlamasyn ıske asyrudyŋ ötken jyldyŋ qorytyndylary tyŋdalyp, Memleket basşysy Nūrsūltan Nazarbaevtyŋ şaǧyn nesielendırudı keŋeitu turaly törtınşı äleumettık bastamasy talqylandy.
QR Eŋbek jäne halyqty äleumettık qorǧau vise-ministrı Nūrjan Ältaevtyŋ aituynşa, atalmyş baǧdarlamaǧa byltyr 573 myŋ adam qatysqan. Olardyŋ 403 myŋy nemese 70 paiyzy – jūmyssyz adamdar. Al 149 myŋ adam (26%) – özın özı jūmyspen qamtyǧandar.
«Jalpy būl baǧdarlama jūmyssyz adamdardyŋ 90 paiyzyn jäne nätijesız jūmyspen qamtylǧandardyŋ 54 paiyzdan astamyn qamtydy. Baǧdarlama käsıbi oqytu, jappai käsıpkerlıktı damytu, halyqty jūmyspen qamtu baǧyttarynda jürgızılıp, eŋbek resurstarynyŋ ūtqyrlyǧy esepke alynuda» dedı vise-ministr.
«Damu» käsıpkerlıktı damytu qory» AQ basqarma töraǧasy Abai Sarqūlov atalmyş ūiym şaǧyn nesielendıru Nätijelı jūmyspen qamtu jäne jappai käsıpkerlıktı damytudyŋ 2017-2021 jyldarǧa arnalǧan baǧdarlamasy, «Damu-Mikro», sondai-aq, Äielder käsıpkerlıgıne şaǧyn nesie beru baǧdarlamalary aiasynda jäne Europalyq qaita qūru jäne damu bankı qarjysy esebınen jürgızılıp otyrǧanyn aitty.
Astana qalasynyŋ Jūmyspen qamtu ortalyǧynyŋ direktory Oljas Omar «Elektrondyq eŋbek birjasy» portalymen tanystyrdy. Otyrys qorytyndysynda ortalyq memlekettık jäne jergılıktı atqaruşy organdarǧa, käsıpodaqtarǧa tiıstı ūsynystar aityldy.
Amanǧali QALJANOV
