Biyl qazaq jūrty elımızdıŋ zamanaui kelbetın tanytatyn, jastarǧa ülgı bolatyn «100 jaŋa esımdı» anyqtady. Jobany qolǧa alu turaly el Prezidentı Nūrsūltan Nazarbaev «Bolaşaqqa baǧdar: ruhani jaŋǧyru» atty osy jylǧy säuırde jariialanǧan baǧdarlamalyq maqalasynda ūsynys jasaǧan bolatyn.
Būl joba jaiynda Elbasy «Jastar ömırge şynaiy közben qarap, öz taǧdyrlaryna özderı ielık ete alatyn azamattar boluy üşın olarǧa ülgı ūsynuymyz kerek» dep aitqan edı. Nätijesınde Qazaqstannyŋ tükpır-tükpırınen 2200 ümıtker sailanyp, qalyŋ jūrtşylyq 100 emes, 102 azamatty laiyq tūlǧa dep tanydy.
Onlain dauys beruge tüsıp, elımızdıŋ «jaŋa esımı» retınde tanystyrylǧan azamattar 1 jeltoqsan künı Prezidentpen kezdestı. Memleket basşysy azamattarǧa qoǧam tarapynan artylǧan jauapkerşılıktıŋ mol ekenın eskerttı.
– Sızder baiqaudyŋ ırıkteu turynan öttıŋızder. Dauys beru internet arqyly jürgızıldı. Sızder bıregei tūlǧasyzdar. Täuelsızdıgımız sızderge talanttaryŋyzdy şyŋdap, bolaşaqqa jol saluǧa mümkındık berdı. Sızder öskeleŋ ūrpaqqa ülgı bolasyzdar, – dep Nūrsūltan Nazarbaev jeŋımpazdarǧa qarata söz söiledı.
«100 jaŋa esım» jobasyna astanalyqtardyŋ arasynda da ǧylym, mädeniet, medisina, biznes jäne qoǧamnyŋ beldı ökılderı kırdı. Aitalyq, Nazarbaev universitetınıŋ oqytuşysy ärı ǧalym Zarina Sauytbaeva zertteu tobymen bırıgıp, qaterlı ısıktıŋ paida boluyna äkelıp soqtyratyn aquyz türın anyqtady. Bügınde Zarina ǧylymnyŋ kömegımen nauqas adamdy jai ǧana emdep qoimai, aurudy müldem boldyrmaudyŋ amal-täsılderın ızdeude. Al mädeniet salasynda «Astana Opera» teatrynyŋ jetekşı solisı, halyqaralyq baiqaulardyŋ jeŋımpazy Medet Şotabaev pen tuǧan jerınen jyraqta jürse de, qazaq kinosynyŋ damuyna ülesın qosuǧa tynymsyz eŋbek etıp jürgen Aidie Aidarbekovtıŋ esımderı jobaǧa endı. Al Anatolii Dobrovolsev bolsa bizneske kelgen qadamymen erekşelendı. Ol elordadaǧy joǧary lauazymyn tastap, tuǧan jerıne oralyp, bal arasyn baptauǧa kırısedı. Qazırgı taŋda aiyna 4 tonna bal öndırıp, bükıl audandy balmen qamtamasyz etude. Odan bölek, jastar astanalyq käsıpker Nūrjan Ältaev, IT mamany Nūrjan Joldybalinov, 20-dan astam mobildı önımnıŋ avtory Arman Süleimenov jäne erıktıler qozǧalysynyŋ jetekşısı Gülmira Äbdıraşovadan ülgı alularyna bolady.
Endı olardyŋ igı ısterı men jetken jetıstıkterın nasihattau men abyroiyn asqaqtatuǧa Mädeniet jäne sport ministrlıgı küş jūmsaidy. Arystan Mūhamediūly «Täuelsız Qazaqstannyŋ bügıngı kelbetın qalyptastyruǧa ūmtylǧan tūlǧalardyŋ beinesı ädebiette, kinoda, beineleu önerınde körınıs tabady» dep uäde berdı.
Güldana TALǦATQYZY
