Jyl basynan berı Astanadaǧy tabiǧi monopoliia nysandaryna qatysty 40 tekseru jürgızıldı
Tabiǧi monopoliialardy retteu jäne bäsekelestıktı qorǧau komitetınıŋ Astana qalasy boiynşa departamentı mamandary aşyq esık künın ötkızdı.
Şara barysynda mekeme qyzmetkerlerı keluşılerge osy jyldyŋ jarty jyldyq esebın berıp, atqarylǧan jūmystar men bolaşaq josparlarymen bölıstı.
Jyl basynan berı Astana qalalyq departamentı tarapynan tabiǧi monopoliia nysandaryna qatysty 40 tekseru jürgızılgen. Onyŋ 36-sy josparly tekseru bolsa, qalǧan 4-euı jospardan tys tekseru. Tekserulerdıŋ qorytyndysy boiynşa, tabiǧi monopoliialar jäne retteletın naryqtar turaly zaŋnamasyn būzu derekterıne qatysty 8 faktı anyqtalǧan. Barlyq zaŋ būzuşylyqtar boiynşa tiıstı şaralar qoldanyldy. Anyqtalǧan zaŋsyzdyqtardy joiu jönınde 101 nūsqama berıldı.
Soŋǧy uaqyttary bäsekelestıktı qorǧau salasyndaǧy zaŋnamanyŋ būzyluyna bailanysty tergeu-tekseru jūmystary arta tüsken. Tek ötken 6 aidyŋ özınde ǧana kelıp tüsken jeke tūlǧalardyŋ ötınışterı boiynşa departament tarapynan 19 nysanǧa qatysty jaŋadan 10 tekseru taǧaiyndalǧan. Bügınge deiın būl tekserulerdıŋ 10-y tolyqtai aiaqtalyp, nätijesınde 8 ıs boiynşa naqty şaralar qabyldanyp el qazynasyna 19 mln teŋge kölemınde kırıs tüsken.
