«Nūr Otan» partiiasynyŋ Astana qalalyq filialy köşpelı qoǧamdyq qabyldau ötkızdı
Jūmys barysynda köşpelı qoǧamdyq qabyldau müşelerı barlyq ötınışpen kelgen azamattarǧa tūrǧyn üi, kommunaldyq tüitkılder, jūmyspen qamtu, baspana, zeinetaqy jäne basqa da äleumettık maŋyzdy mäseleler boiynşa qūqyqtyq keŋes berıp, zaŋnama normalaryn tüsındırdı.
«Būl Astana qalasyndaǧy üşınşı ret ötkızılıp otyrǧan köşpelı qoǧamdyq qabyldau bolyp otyr. Alǧaşqy qabyldauda 182 adam bolsa, keiıngı şaraǧa 88 adam kelıp ötınış bıldırgen edı. Bügıngı qabyldauǧa 68 azamat keldı. Olarǧa 25 türlı memlekettık organ¬nyŋ ökılderı bılım, densaulyq, qūqyq qorǧau syndy äleumettık mäseleler boiynşa tüsındıru jūmystaryn jürgızıp, qūqyqtyq keŋester berdı», – deidı «Nūr Otan» partiiasy Astana qalalyq filialy töraǧasynyŋ bırınşı orynbasary Edıl Mamytbekov.
Qabyldauda bolǧandardyŋ basym bölıgı jūmyspen qamtu mäselesın köterdı. Sondai-aq, baspana mäselesın şeşıp berudı sūrap kelgender de joq emes. Mūndai azamattarǧa keŋester berıldı.
