Memleket basşysy Nūrsūltan Nazarbaev Premer-Ministr Kärım Mäsımovtı qabyldady, dep habarlaidy Aqordanyŋ baspasöz qyzmetı.
Kezdesu barysynda K.Mäsımov Nūrsūltan Nazarbaevqa el damuynyŋ negızgı äleumettık-ekonomikalyq körsetkışterı, basty memlekettık baǧdarlamalardyŋ ıske asyryluy, sondai-aq Jer reformasy jönındegı komissiianyŋ qazırgı qyzmetı turaly baiandady.
Memleket basşysy jyl soŋyna deiın bırqatar maŋyzdy mındetterdı şeşudı qamtamasyz etu qajettılıgın atap öttı.
– Bırınşıden, ekonomikalyq körsetkışterdıŋ tömendeuıne jol berılmeuı tiıs, ol üşın barlyq jaǧdai jasalǧan, qajettı qarajattar bölıngen, jūmystyŋ tiıstı baǧyttary anyqtalǧan. Ekınşıden, astyq jinau men küzgı-qysqy kezeŋge daiyndyq mäselelerıne nazar audaru qajet. Sonymen bırge EKSPO-2017 körmesı men 2017 jylǧy qysqy Universiadaǧa äzırlıktı jalǧastyru kerek, – dedı Qazaqstan Prezidentı.
Būdan bölek, Nūrsūltan Nazarbaev eldıŋ odan ärı industriialyq-innovasiialyq damuyn qamtamasyz etu jäne tūrǧyndardyŋ äl-auqatyn arttyru üşın şaralar qabyldau qajettıgıne nazar audardy.
Sondai-aq Elbasy juyq arada Jer reformasy jönındegı komissiianyŋ jūmys nätijelerın ūsynudy tapsyrdy.
– Tamyz aiynyŋ soŋynda bız Ükımettıŋ keŋeitılgen otyrysyn ötkızıp, aldyn ala qorytyndylaryn jasau jäne ary qaraiǧy ıs-qimyldy aiqyndau üşın barlyq atalǧan mäselelerdıŋ şeşımın äzırleudı sūraimyn, – dedı Memleket basşysy.
Elbasy kezdesu qorytyndysy boiynşa bırqatar naqty tapsyrma berdı.
