İnvestisiialyq baǧdarlamalar boiynşa jylu beru qūbyrlaryn jaŋartuǧa 1 mlrd 333 mln teŋge bölındı. Būl turaly «Astana-Teplotranzit» AQ basşysy Baǧdat Azbaev mälım ettı.
«Nūr-Sūltan qalasynda 867 jylu beru qūbyry bar, onyŋ ışınde 860 su jüretın qūbyr jäne taǧy basqalary. Ortalyq uchaskege keletın bolsaq, bızde 270 şaqyrym magistral bar. Şyǧyndar, oqşaulau, josparly tehnologiia boiynşa jylu beru qūbyrynyŋ ūzyndyǧy – 614 şaqyrym. Eger qūbyrlardyŋ ortaşa tozu deŋgeiın eskeretın bolsaq, 2020 jylǧa qarai körsetkış 56 paiyzdy qūrady. 2021 jyly investisiialyq baǧdarlamalar boiynşa 1 mlrd 498 mln teŋge bölındı. Onyŋ ışınde jylu qūbyrlaryn qaita qūruǧa – 1 mlrd 333 mln teŋge» dep tüsındırdı Baǧdat Azbaev.
Basqarma töraǧasynyŋ orynbasary Erjan Qūmataev jospar boiynşa eŋ aldymen Küişı Dina köşesındegı jylu qūbyry nysany qaita jöndeuden ötkenın aitty. Bügıngı taŋda jūmystyŋ 90 paiyzdan astamy aiaqtaldy. Qazır kesındıler bölıgınde, sondai-aq abattandyru boiynşa jūmystar jürgızılude. Paidalanu bölıgınde senımdılık artty. Sondai-aq qūbyr jüiesı jedel qaşyqtan baqylau jüiesımen (JQB) jabdyqtalǧan tötenşe jaǧdailardy, dymqyl oqşaulau betterın anyqtau üşın qajet.
Kelesı uchaske – «Aqbūlaq» şaǧyn audanyndaǧy «Gazovik» jylu trassasyn qaita jaŋartu. «Qaita jöndeu jūmysy üş üidı qamtidy. Joldyŋ qaşyqtyǧy – 1778 metr. Jūmystyŋ 80 paiyzy aiaqtaldy. Qūbyrdy qaita qūrudaǧy ekınşı kezeŋ boiynşa jūmys jalǧasuda. Sonymen qatar abattandyru jūmystary jürgızılude. Būl uchaske apatty boldy. Qūbyrlardy 15-10 jyl būryn PİK salǧan. Bır jyl būryn ülken apat bolǧandyqtan, būzylǧan jelılerdıŋ sapasy öte naşar. Qazır jūmys sättı aiaqtaluda» dedı Erjan Qūmataev.
