Belarusten kelgen delegasiia «Sergek» jüiesıne qyzyǧuşylyq tanytty. Elordanyŋ IT salasyndaǧy jetıstıkterı körşıles elderdıŋ qalalary men öŋırlerıne engızu üşın qyzyǧuşylyq tudyrady.
Jaqynda Belarus delegasiiasy 109 ikomek-te bolyp, qonaqtarǧa «Sergek» jüiesınıŋ funksionaldyq mümkındıkterı tanystyryldy, sondai-aq ahualdyq ortalyqtyŋ tūjyrymdamasy turaly aityldy.
Delegasiia Nūr-Sūltan qalasynyŋ qauıpsızdık salasyndaǧy praktikalyq täjıribesın, sondai-aq bastamalardyŋ yqtimal importyn zerdeleu jäne yntymaqtastyq maqsatynda keldı. Kezdesu qorytyndysy boiynşa delegasiia qalanyŋ jergılıktı sifrlyq jobalarymen tanysqany üşın alǧysyn bıldırdı.
Esterıŋızge sala keteiık, būǧan deiın elordanyŋ IT-şeşımderın Mäskeu men Qazanda ötken konferensiialarda şeteldık jäne jergılıktı qatysuşylar laiyqty atap ötken bolatyn.
«Sergek» – avtomattandyrylǧan jüie. Ol jyldamdyqty asyru, avtobustardyŋ qyzyl syzyqty basyp ötu syndy tärtıp būzuşylyqtaryn anyqtap qana qoimai, ony taldap otyruǧa da qauqarly. Būl adamdar qauıpsızdıgı üşın maŋyzdy. Joba ıske qosylǧannan berı ony engızudıŋ arqasynda jol-kölık oqiǧalary sany 42 paiyzǧa tömendedı.
