Қызыл шеңгел құрсауындағы қиын-қыстау кезеңінде қазақ жеріне миллиондаған адам өз ырқынсыз жер аударылып келген. Оларды жергілікті қазақ халқы құшағын жайып, туғанындай қабылдап, бауырына басқан. Олардың бәрі қазақ жерін паналап, көсегесі Қазақ елімен бірге көгерді. Қазақтың мұндай дархан көңілі ешқашан ұмытылмақ емес. Мемлекет басшысының Жарлығымен 2016 жылғы 1 наурыздан бері Отанымызда Алғыс айту күні салтанатпен аталып өтіп келеді.
