Қазақстан-Әзірбайжан инвестқоры құрылады

«Самұрық-Қазына» АҚ және Әзірбайжан инвестхолдингі ынтымақтастық туралы келісімге қол қойды, деп хабарлайды astana-akshamy.kz.

Қорды құру жөніндегі стратегиялық әріптестік келісіміне Мемлекет басшысы Әзірбайжан Республикасына жасаған іс-сапары барысында қол қойды.

Қор екі ел экономикасының дамуына ықпал ететін жобаларды, соның ішінде Транскаспий халықаралық көлік бағытын (ТХТМ) дамыту жөніндегі жобаларды қаржыландыратын болады.

Жаңа қор АХҚО алаңында тіркеледі деп болжануда.
Қазіргі кезде тараптар болашақта Қор қаржыландыратын басым жобалардың тізімін қалыптастыруда.

Әзірбайжан инвестициялық холдингі (АИХ) – Әзірбайжан Республикасының Мемлекеттік инвестициялық холдингі. 2020 жылы елдің ірі мемлекеттік активтерін басқару үшін құрылған.