Сарыарқа ауданында – жаңа әкім
Астана қаласының әкімі Бақыт Сұлтановтың өкімімен Сарыарқа ауданының әкімі болып Ерғали Егемберді тағайындалды.
Жаңа әкімді Бақыт Тұрлыханұлы таныстырды. «Ерғали Қуандықұлы баршаңызға жақсы таныс. Елорданың дамуына үлес қосып жүрген азаматтардың бірі. Біліктілігі мен тәжірибесі жеткілікті. Сәттілік тілейміз» деді Б.Сұлтанов.
«Ерғали Қуандықұлы 1977 жылы 23 қарашада туған, білімі жоғары.
Мемлекеттік қызметтің бірнеше сатыларында абыроймен еңбек еткен.
Мамандығы бойынша экономист, заңгер. Cаяси ғылымдардың кандидаты.
Еңбек жолын Астана қаласы Қаржы департаментінің бас маманы-заңгер қызметінен бастаған. Қаламызда Экономика және бюджеттік жоспарлау басқармасының басшысы, Президент Әкімшілігінде мемлекеттік инспектор, Еңбек және халықты әлеуметтік қорғау министрінің орынбасары, Денсаулық сақтау және әлеуметтік даму министрінің орынбасары сияқты лауазымды қызметтерді атқарды. «Болашақ» бағдарламасы бойынша АҚШ-та білім алған.