Конгресс-холда V Республикалық «Тәуелсіздік толғауы» конкурсының және ХІ Республикалық «Елім менің» патриоттық әндер конкурсының лауреаттарын марапаттауға арналған гала-концерт өтті.
Отандық композиторлар мен драматургтердің, ақындардың шығармашылығын қолдау, ұлттық опера, балет және музыка саласының бәсекелестігін арттыру мақсатында ұйымдастырылған конкурс бірнеше номинацияға бөлінді. Бәйгеде бағы жанғандар реті төмендегідей болды.
«Қазақстан Республикасы Конституциясының 20 жылдығына арналған ең үздік ән»: Бірінші жүлде – композитор Бейбіт Оралұлы, ақын Бақытжан Тобаяқов.
«Халық аспаптар немесе эстрада-симфониялық оркестріне жазылған ең үздік салтанатты шығарма»: Бірінші орын – композитор Ермек Умеров.
«Қазақстан халқы Ассамблеясы жылы» аясында халықтар достығын бейнелейтін ірі және шағын көлемді ең үздік музыкалық шығарма: Бас жүлде – Рахат-би Әбдісағин, бірінші орын – композитор Бейбіт Дәлденбай.
«Ұлттық дәстүр мен мәдениет» тақырыбына арналған ең үздік графика туындысы»: Екінші орын – суретші Кураш Зульфикаров.
«Қазақстан халқы Ассамблеясы жылы» аясында «Астана – бейбітшілік пен келісім қаласы» тақырыбына арналған ең үздік мүсін және монументальды өнер туындысы»: Бірінші жүлде – мүсінші Өмірзақ Шанов.
«Ең үздік комедиялық шығарма»: Екінші жүлде – Елен Әшімжан.
Ал «Елім менің» байқауында лауреаттар «Атамекен», «Аманат» және «Ән сал, сарбаз!» номинациялары бойынша анықталды. Жеңімпаздар бағалы сыйлықтармен марапатталды. Сондай-ақ, Астана қаласы мемлекеттік филармониясы симфониялық және халық аспаптар оркестрлерінің сүйемелдеуімен жеңімпаз атанған туындылардың тұсаукесері өтті.
Еркежан СӘТІМБЕК
