Үздік педагогтар анықталды
Астанада «ҮЗДІК ПЕДАГОГ – 2023» республикалық байқауы мәресіне жетіп, елордалық үздік педагогтар жарияланды.
– Астана білімі үшін қуанарлық жайт – биыл елордадан 6 «Үздік педагог» шықты. Атап айтсам, 3 мектептің ұстазы, 2 колледждің, 1 балабақшаның ұстаздары жеңімпаз атанды, – дейді Астана қаласы Білім басқармасының басшысы Қасымхан Сенғазыев.
ІІІ кезең қорытындысы бойынша «Үздік педагог – 2023» республикалық байқауының жеңімпаздары атанған елордалық педагогтар:
– №46 балабақша-мектеп-гимназия кешенінің тәрбиешісі Елена Иванова;
– № 8 мектеп-лицейінің бастауыш сынып мұғалімі Серіккүл Сексенбаева;
– № 93 мектеп-лицейінің қазақ тілі мен әдебиеті пәнінің мұғалімі Нұргүл Даривхан;
– Қаныш Сәтбаев атындағы BINOM SCHOOL-мектеп-лицейінің математика пәнінің мұғалімі Салтанат Төлегенова;
– Кәсіптік-техникалық колледжінің өндірістік оқыту шебері Серік Тұранов;
– Қоғамдық тамақтану және сервис колледжінің өндірістік оқыту шебері Күнсұлу Халиди.
«Жүзден жүйрік, мыңнан тұлпар» болып, абырой биігіне көтерілген үздік елордалық ұстаздарды жеңістерімен құттықтаймыз!