Жас сарбаздар жарысы
Ұлттық әскери-патриоттық музейінде «Жастар жылына» орай елорда әкімдігі, «Астана жастары» ресурстық орталығы және Қорғаныс істері департаментінің қолдауымен жалпы орта білім беретін мектептердегі «Жас сарбаз» сыныптарының қатысуымен «Jas sarbaz – Jastar jylynda» жобасының салтанатты жабылу шарасы өтті.
Аталмыш жоба өз жоспарын әскери патриоттық әндер байқауымен қорытындылады. Байқау нәтижесінде бас жүлдені Нурали Владимир, 1-орынды Аида Болат, 2-орынды Қазақ технология және бизнес университеті колледжінің «Қырандар» тобы, 3-орынды Мұхаммед Сымантай иеленді. Сонымен қатар шара соңында №68665 әскери бөлімшесінің жас сарбаздарының арасындағы өткізілген спорттық және патриоттық тәрбиелеу сайыстарының үздіктері марапатталды.
Шараға қатысқан Нұр-Сұлтан қаласы Қоғамдық даму істері басқармасының басшысы Талғат Рахманберді, Мәжіліс депутаты Геннадий Шиповских жас сарбаздарға ізгі тілектерін білдірді.
Жадыра МҰРАТБЕКОВА