АҚИЫҚ АҚЫНДЫ АРДАҚТАДЫ
Астанадағы Ұлттық академиялық кітапханада Қазақстанның халық жазушысы Қадыр Мырза Әлидің 80 жылдығына арналған «Сөз сарайынан маржан терген Қадыр!» атты онлайн-конференция өтті.
Бұл басқосуға ақынның туған жері Батыс Қазақстан облысының Сырым аудандық кітапханасы, Алматыдағы Ұлттық кітапхана және Орал қаласындағы Жұбан Молдағалиев атындағы әмбебап ғылыми кітапхана қызметкерлері мен бір топ әдебиетсүйер
қауым қатысты.
Тұғырлы тұлғаны еске алу кездесуін ұйымдастыруға мұрындық болып отырған елордадағы Ұлттық кітапхана мамандары мен Алаш руханиятының ардағы туралы баянды сөз айтуға келген қонақтар алдымен осы шараға қатысып отырған кітапханалармен онлайн-байланысқа шығып, Қадекең жайлы әсерлі әңгіме өрбітті. Әсіресе, ақынды көзімен көрген, қасында іні
болып жүрген Серік Тұрғынбекұлы, замандасы Табыл Құлияс, Толымбек Әбдірайым, Елена Әбдіхалықова, Маржан Ершу секілді қаламгерлер халқының ардақтысына айналған тұлға туралы естеліктерімен ой бөлісті.
Азамат ЕСЕНЖОЛ