«100 جاڭا ەسىمگە» كىم لايىق؟
نۇر-سۇلتان قالاسىندا «قازاقستاننىڭ 100 جاڭا ەسىمى» جوباسىنىڭ ءۇشىنشى كەزەڭى ءوتىپ جاتىر. ەلوردالىقتار 1 قاراشاعا دەيىن جوباعا قاتىسۋ وتىنىمدەرىن بەرە الادى.
2019 جىل تۇڭعىش پرەزيدەنت – ەلباسى ۇسىنىسىمەن جاستار جىلى بولىپ بەلگىلەنگەندىكتەن, بيىلعى جوباعا 39 جاسقا دەيىنگى جاس قازاقستاندىقتاردىڭ جەتىستىكتەرىنىڭ تاريحىن ىزدەۋگە جانە تاڭداۋعا ەرەكشە نازار ءبولۋ جوسپارلانعان.ءۇمىتكەرلەر 100janaesim.ruh.kz سايتىندا ءوتىنىم تولتىرىپ جانە قالاۋى بويىنشا ءوز جەتىستىكتەرى تۋرالى بەينەروليكتى جۇكتەپ جوباعا قاتىسا الادى. وتىنىمدەردى قابىلداۋ 2019 جىلعى 1 قازانىنان 1 قاراشاعا دەيىن جۇزەگە اسىرىلادى. وسىعان وراي, ۇيىمداستىرۋشىلار ەلوردانىڭ مادەنيەت, دەنساۋلىق ساقتاۋ, عىلىم, بيزنەس, سپورت, قوعام سالاسىندا قىزمەت ەتىپ, قازاقستاندى كوركەيتۋگە ۇلەس قوسىپ جاتقان ازاماتتاردى جوباعا قاتىسۋعا شاقىرادى.