مەكتەپ بىتىرۋشىلەر مەن ولاردىڭ اتا-انالارىن ۇلكەن ابىگەرگە سالاتىن ۇبت ۋاقىتى دا جاقىنداپ كەلەدى. بيىل استانادا وتىنىمدەردى قابىلداۋ ناتيجەسى بويىنشا 4106 وقۋشى جىلدىڭ باستى ەمتيحانىن تاپسىراتىنى بەلگىلى بولدى.
بيىلعى تۇلەكتەر ۇبت-نى جىلداعىداي ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى, س.سەيفۋللين اتىنداعى قازاق اگروتەحنيكالىق ۋنيۆەرسيتەتى, قازاق گۋمانيتارلىق زاڭ ۋنيۆەرسيتەتىنىڭ بازاسىندا تاپسىرادى. بىرىڭعاي تەستىلەۋدى 1-7 ماۋسىم ارالىعىندا وتكىزۋ جوسپارلانعان. ۇبت سىناعىنان وتۋگە بەل بايلاعانداردىڭ ىشىندە 196 تۇلەك «التىن بەلگى» مەدالىن الۋعا ءۇمىتتى بولسا, 89-ى ەرەكشە ۇلگىدەگى اتتەستاتتى قانجىعاسىنا سالۋعا قۇلشىنىپ ءجۇر. ورايى كەلگەندە ايتا كەتەيىك, بيىلعى شەكتى دەڭگەي دە بۇرىنعىشا 50 بالل, وسى مولشەرلى مەجەدەن اسا الماعاندار تامىز ايىندا اقىلى تۇردە قايتا تاپسىراتىن بولادى. ونىڭ قۇنى – 2242 تەڭگە كولەمىندە بەلگىلەنگەن. قايتا تەستىلەۋدەن ءوتۋ ءۇشىن ەڭ الدىمەن جوو-عا ءوتىنىش جازىپ, ءتورت 3ح4 فوتوسۋرەتىن, جەكە كۋالىك پەن مەكتەپتى بىتىرگەنى تۋرالى اتتەستاتتى قوسا ۇسىنادى. ءبىرىنشى تەستىلەۋ كەزىندە شەكتى مولشەردەگى باللدى جيناعاندار كورسەتكىشىن جاقسارتۋ ءۇشىن قايتادان ۇبت تاپسىرا المايدى.
قازىرگى كەزدە وقۋشىلار اراسىندا سىناق تەستىلەۋ ۇيىمداستىرىلۋ ۇستىندە. سونىمەن قاتار, مەكتەپتەردە مۇعالىمدەر قوسىمشا ساباقتار وتكىزىپ, ءاربىر تۇلەكتىڭ جەكە پسيحولوگيالىق دايىندىعىنا باسا نازار اۋدارۋدا.
ۇبت قارساڭىندا مۇعالىمدەر, اتا-انالار جانە مەكتەپ تۇلەكتەرىمەن اقپاراتتىق-ءتۇسىندىرۋ جۇمىستارى جۇرگىزىلگەن.
