ەلوردالىق كوماندا 24-29 قاراشا كۇندەرى اۆستريا ەلىنىڭ گراتس قالاسىندا ەستەتيكالىق توپتىق گيمناستيكادان وتكەن الەم چەمپيوناتىندا, سونىمەن قاتار «IFAGG Trophy» جانە «Steiermark Cup» حالىقارالىق تۋرنيرلەرىنە قاتىسىپ, جەڭىس تۇعىرىنان كورىندى.
الەم چەمپيوناتىنا 45 كوماندادان قۇرالعان 365 سپورتشى باق سىنادى. ال «IFAGG Trophy» حالىقارالىق تۋرنيرىنە 63 كوماندادان 600 گيمناسشى, سونىمەن قاتار «Steiermark Cup» تۋرنيرىنە 94 كوماندادان 900 سپورتشى قاتىسىپ, باسەكەگە ءتۇستى.
اتالعان ءۇش جارىس استانالىق قۇراما كوماندا ءۇشىن ءساتتى ءوتتى. ولاردىڭ قورجىنىنا 1 كۇمىس, 3 قولا مەدال ءتۇستى. بۇل جەڭىس – استانالىق جاتتىقتىرۋشىلار ز.داۆلەتياروۆا مەن ا.اقمۇرزينانىڭ قاجىرلى ەڭبەگىنىڭ جەمىسى.
