ەلوردادا №83 مەكتەپكە ىبىراي التىنسارين اتاۋى بەرىلەدى. بۇل جاڭالىقتى نۇر-سۇلتان قالاسى اكىمىنىڭ ورىنباسارى اسحات ورالوۆ ءمالىم ەتتى.
«بيىل ەلوردادا ۇستازدار كۇنى قارساڭىندا ۇلت ۇستازى ىبىراي التىنسارينگە بيۋست اشىلدى. سالتاناتتى شاراعا زيالى قاۋىم وكىلدەرى قاتىستى. قازىرگى تاڭدا ونوماستيكالىق كوميسسيا وتىرىسىندا قالاداعى №83 مەكتەپكە ىبىراي التىنسارين اتاۋىن بەرۋدى قاراستىرىپ جاتىرمىز. ارينە, زاڭ اياسىندا جۇزەگە اساتىن پروتسەسس, سوندىقتان ۋاقىت تالاپ ەتىلەدى. ونىڭ ۇستىنە شەشىمدى تەك اكىمدىك قانا قابىلدامايدى, جۇرتشىلىقپەن اقىلداسىپ شەشىلەدى. ونوماستيكا كوميسسياسى قۇرامىندا مەملەكەتتىك ورگان وكىلدەرىنەن بولەك, قوعام قايراتكەرلەرى, زيالى قاۋىم, ۇكىمەتتىك ەمەس ۇيىم وكىلدەرىمەن قوسا بەلسەندى ازاماتتار بار» دەدى ا.ورالوۆ.
مەكتەپكە اعارتۋشىنىڭ ەسىمىن بەرۋ شەشىمى وسى ايدىڭ سوڭىندا نەمەسە قاراشانىڭ باسىندا شىعادى. «مەكتەپكە ىبىراي اتامىزدىڭ اتىن بەرۋ باستاماسىن ءبارى ءبىراۋىزدان قولدايدى دەپ ويلايمىن. تۇلعانىڭ ۇلتتىق ءبىلىم سالاسىنا سىڭىرگەن ەڭبەگى مەن قالدىرعان مۇراسى بارشامىزعا ايان» دەدى ەلوردا اكىمىنىڭ ورىنباسارى.
