Sport
ايىمبەتوۆ قۇتقارىپ قالدى
فۋتبولدان قازاقستان كۋبوگىنىڭ د توبىندا ءۇشىنشى كەزەڭنىڭ ويىندارى ءوتتى. ەلوردانىڭ «استانا» كلۋبى تۇركىستاندا جەرگىلىكتى «تۇران» كومانداسىمەن كەزدەستى.
[smartslider3 slider=3560]
بۇل ويىندا قارسىلاستار ۇپاي ءبولىسىپ تاراستى. ويىننىڭ 47-ءىنشى مينۋتىندا الاڭ يەلەرى ساپىنان بەكزات قابىلان ەسەپ اشسا, ەكىنشى تايمنىڭ ورتاسىندا استانالىق ابات ايىمبەتوۆ تارازى باسىن تەڭەستىردى. وسىلايشا, 1:1 ەسەبى ويىن سوڭىنا دەيىن وزگەرمەي قالدى.
ءۇشىنشى تۋردان كەيىن 5 ۇپايمەن «استانا» ءبىرىنشى ورىندا تۇر. «تۇراننىڭ» ەنشىسىندە ءتورت ۇپاي بولسا, قاراعاندىلىق «شاحتەر» كومانداسىنىڭ قورجىنىندا ءۇش ۇپاي بار. ال, تالدىقورعاننىڭ «جەتىسۋ» كلۋبىندا ءبىر-اق ۇپاي.
قازاقستان كۋبوگىنىڭ شيرەك فينالىنا شىعاتىن كوماندالار ءتورتىنشى تۋردان كەيىن بەلگىلى بولادى.