گۇلزيرا سەرعازيەۆا, ەلوردا تۇرعىنى:
– تۇرعىنداردىڭ تۇماۋراتا باستايتىن كەزى جاقىندادى. جۇقپالى اۋرۋدىڭ الدىن الاتىن ەكپەلەردىڭ تيىمدىلىگىن ءجيى ايتادى. ونىڭ باعاسى قانداي جانە ونى قاي جەردەن تەگىن الۋعا بولادى؟
وقىرمان سۇراعىنا قازاقستاننىڭ باس سانيتارلىق دارىگەرى جانداربەك بەكشيننىڭ جاۋابىن ۇسىنامىز:
– بيىل كۇزدە استانانىڭ دەنساۋلىق ساقتاۋ باسقارماسى تاۋەكەل توبىنا جاتاتىن 100 مىڭنان اسا ادامدى تۇماۋعا قارسى ەكپەدەن وتكىزۋدى جوسپارلاپ وتىر. ۆاكتسينانى ساتىپ الۋعا قاجەتتى قاراجاتتى قالا اكىمدىگى ءبولدى. ۆاكتسينالاۋ 1 قازاننان باستالادى. تەگىن ەكپەنى الەۋمەتتىك جەڭىلدىك بەرىلگەن اتاۋلى ساناتتاعى ازاماتتار قالانىڭ №4 ەمحاناسىنان الۋعا مۇمكىندىگى بار. سونىمەن قاتار, مەديتسينا قىزمەتكەرلەرى, قالانىڭ شۇعىل قىزمەتىنىڭ جۇمىسشىلارى جانە دە الەۋمەتتىك جابىق مەكەمەلەردەگى – بالالار ءۇيى مەن قارتتار ءۇيىنىڭ قىزمەتكەرلەرى تەگىن الادى. ال حالىقتىڭ نەگىزگى بولىگى ءۇشىن اقىلى مەديتسينالىق پۋنكتتەر اشىلدى. تۇماۋعا قارسى رەسەي ۆاكتسيناسىنىڭ باعاسى – 1600-2000 تەڭگە, باسقا ۆاكتسينالاردىڭ باعاسى, ماسەلەن گوللاندىق ۆاكتسينانىڭ ورتاشا باعاسى – 2800 تەڭگە. بۇل تۋرالى قوسىمشا مالىمەتتى وزدەرىڭىز تىركەلگەن ەمحانادان سۇراپ بىلۋگە بولادى.
