ايدىن سەمىزباەۆ, گازەت وقىرمانى:
– مەن استانا ماڭىنداعى قاراجار اۋىلىندا تۇرامىن. تاپسىرىس بويىنشا ەلىمىزدىڭ ءارتۇرلى قالالارىنا جولاۋشى تاسىمالداپ, تاكسي قىزمەتىن كورسەتەمىن. قالا ىرگەسىندەگى ەلدى مەكەندەردى ءوزارا بايلانىستىراتىن نەمەسە ەلوردا اينالاسىنداعى وزگە وڭىرلەرگە بارعاندا استانانىڭ ىشىنە كىرىپ جۇرمەس ءۇشىن ارنايى سىرتقى اينالما جولدار سالىنا ما؟
بۇل ساۋالعا «استانا باس جوسپارى» عىلىمي-زەرتتەۋ جوبالاۋ ينستيتۋتى» جشس ديرەكتورى سارسەمبەك ءجۇنىسوۆتىڭ جاۋابىن ۇسىنامىز:
– ارينە, سالىنادى. قازىردىڭ وزىندە استانانىڭ سىرتىمەن وتەتىن ەكى بىردەي اينالما جول بار. ونىڭ ءبىرىنشىسى – «ك-1», ەكىنشىسى «ك-2» دەپ اتالادى. «ك-1» جولىنىڭ ۇزىندىعى – 86 شاقىرىم. بۇگىندە ونىڭ ۇشتەن ءبىر بولىگى پايدالانۋعا بەرىلدى. ەندى تىلەنديەۆ داڭعىلىنان قورعالجىنعا, ال قورعالجىن جاقتان بىردەن قوسشىعا شىعاتىن جولدى سالۋ جوسپاردا تۇر. مىسالى, الماتىدان جۇك تاسىمالدايتىن كولىك نەمەسە كورشى وبلىستان شىققان جولاۋشىلار استانانىڭ ىشىنە كىرمەستەن اينالما جول ارقىلى قالا سىرتىمەن قاراعاندىعا, كوكشەتاۋعا, قوستانايعا جانە باسقا دا وبلىس اۋماعىنا وتە بەرەدى. ال «ك-2» دەپ اتالاتىن ەكىنشى اينالما جولدىڭ ۇزىندىعى – 40 شاقىرىم. 8 جولاقتى جولداردا باعدارشام جوق. بۇل بەلگىلى ءبىر دەڭگەيدە ەلوردانى كوپ مولشەردەگى كولىك تۇتىنىنەن دە قورعايدى.
