ەرسايان كەنجەباي, قالا تۇرعىنى:
استانادا ۆولونتەر بولعىسى كەلەتىن ادامدار قايدا حابارلاسۋى كەرەك؟ جالپى, ەلوردالىق ۆولونتەرلەردىڭ باسىن قوساتىن ءبىر ۇيىم نە ورتالىق بار ما؟
بۇل سۇراققا «ۇلتتىق ۆولونتەرلىك جەلى» ۇيىمىنىڭ جوبالار ۇيلەستىرۋشىسى ايگەرىم بيجانوۆا جاۋاپ بەرەدى:
– بۇگىنگى تاڭدا استانادا ۆولونتەرلىك مادەنيەتتى قالىپتاستىرۋ جانە قولداۋ ماقساتىندا 2010 جىلى قۇرىلعان «ۇلتتىق ۆولونتەرلىك جەلى» ۇيىمى بار.
بۇگىندە ەلوردادا بىرنەشە مەكەمە ۆولونتەرلىك جوبالاردى ۇسىنا الادى. مىسالى, جاستار ساياساتى بويىنشا ۆولونتەرلىك قىزمەتتەردى «Astana» جاستار دامۋ ورتالىعىنان تابۋعا بولادى. سونىمەن قاتار, بالالار مەن جاسوسپىرىمدەردىڭ باستامالارىن قولداۋعا ارنالعان استانا قالاسىنىڭ جاس كوشباسشىلار قوعامى («Global Shapers Community in Astana») دا بار. دەنساۋلىعى ناشار كىسىلەردى قولداۋعا باعىتتالعان ۆولونتەرلىك ءىس-شارالاردى «وكەان-ارت» شىعارماشىلىق ورتالىعى, «ءۇنسىز الەم» قوعامدىق قورى, «دوس» تاۋەلسىز ءومىر ورتالىعى, «نۇر-الەم قازاقستان» قوعامدىق قورى ۇيىمداستىرادى. مۇنىمەن قوسا, «Best For Kids» قوعامدىق قورى بالالار ۇيىندە تاربيەلەنەتىندەردى الەۋمەتتىك بەيىمدەۋ بويىنشا جوبانى ىسكە اسىرادى.
