ەلوردادا Amanat پارتياسى استانا قالاسى «سارىارقا» اۋداندىق فيليالىنىڭ «تۇران-استانا» ۋنيۆەرسيتەتى» باستاۋىش پارتيا ۇيىمىنىڭ كەزەكتى جينالىسى ءوتتى.
جيىنعا Amanat پارتياسى استانا قالاسى «سارىارقا» اۋداندىق فيليالى اتقارۋشى حاتشىسىنىڭ مىندەتىن اتقارۋشى بەلسەندى پارتيا مۇشەلەرى, باستاۋىش پارتيا ۇيىمىنىڭ وكىلدەرى قاتىستى. ولار ماڭىزدى قۇجاتقا قاتىستى ويلارىمەن ءبولىسىپ, Amanat پارتياسى ساياسي تۇعىرناماسىنىڭ جوباسىن تالقىلادى. جيىندا «AMANAT» پارتياسى استانا قالاسى «سارىارقا» اۋداندىق فيليالىنىڭ كەزەكتەن تىس وتەتىن ءحححىى كونفەرەنتسياسىنا ازاماتتىق ۇستانىمى بەلسەندى پارتيالاستاردان 2 دەلەگات سايلاندى.
جينالىس بارىسىندا ۇلتتىق قاۋىپسىزدىك, زاڭ جانە ءتارتىپ,ەكونوميكا ماسەلەلەرى, سونىمەن قاتار مەملەكەتتى باسقارۋ قاعيدالارى دا تالقىلاندى. سونداي-اق «تۇران-استانا» ۋنيۆەرسيتەتى باستاۋىش پارتيالىق ۇيىمىنىڭ اتقارىلعان جۇمىستارى تۋرالى ەسەبى تىڭدالدى.
ساياسي تۇعىرناما –جاڭا ساياسي قۇرال. ءبىز قوعامداعى وزگەرىستەر مەن سۇرانىستارعا, مەملەكەت باسشىسى العا قويعان اۋقىمدى مىندەتتەرگە بەيىمدەلىپ, ۇنەمى دامىپ وتىرۋعا ءتيىسپىز. Amanat ەلدىڭ مۇڭ-مۇقتاجىن تىڭدايدى. بۇل تۇعىرناما – اسا اۋقىمدى, بىراق ناقتى جوسپارلانعان, قاجەتتى رەسۋرستارمەن قامتاماسىز ەتىلگەن ماقساتتار مەن باعدارلار جيىنتىعى, – دەدى Amanat پارتياسى استانا قالاسى «سارىارقا» اۋداندىق فيليالى «تۇران-استانا» ۋنيۆەرسيتەتى» باستاۋىش پارتيا ۇيىمىنىڭ ءتورايىمى گۇلجامال جاپاروۆا.
ايتا كەتەيىك, Amanat پارتياسىنىڭ جاڭا ساياسي تۇعىرناماسى بيىلعى جىلدىڭ ناۋرىز ايىندا باستالدى. ول – اۋقىمدى پارتيالىق ترانسفورماتسيانىڭ ءبىر بولىگى. تۇعىرنامادا قازاقستاننىڭ باستى قوعامدىق كۇشىنىڭ بولاشاققا دەگەن كوزقاراسى, دامۋ باعدارلارى, ۇستانىمدارى مەن ساياسي ماقساتتارى قامتىلعان.
جيىن سوڭىندا پارتيا مۇشەلەرىنە پارتيالىق بيلەتتەر تابىستالدى.
