استاناداعى الاش تاس جولى بويىندا «سامعاۋ» ساۋدا ورتالىعى اشىلدى.
ساۋلەتى جوعارى دەڭگەيدە جاسالعان بەس قاباتتى ءساندى عيمارات 25 مىڭ شارشى مەتر جەردى الىپ جاتىر. مۇندا كاسىپكەرلەرگە, ساتىپ الۋشىلارعا قولايلى بارلىق جاعداي جاسالعان. ماسەلەن, جۇك جەتكىزۋگە ارنالعان «ميتتسۋبيسي» كومپانياسىنىڭ ليفتىلەرى جانە ەسكالاتورلارى ورناتىلعان. ەۋروپالىق ستاندارتقا ساي سالقىنداتۋ ءارى اۋا الماستىرۋ, جىلىتۋ جۇيەلەرى ىسكە قوسىلعان. سونداي-اق, ءبىرىنشى قاباتتاعى زەرتحانالار مەن توڭازىتقىش قوندىرعىلارىنا ارنالعان بولمەلەر, قويمالار قولايلى ويلاستىرىلعان. بۇدان بولەك, كەلۋشىلەرگە 600 ورىندىق تەگىن اۆتوتۇراق قىزمەتى ۇسىنىلىپ وتىر.
– الداعى ۋاقىتتا ءار اپتانىڭ سەنبى, جەكسەنبى كۇندەرى وتاندىق تاۋار ونىمدەرىنە, اۋىل شارۋاشىلىق ونىمدەرىنە جارمەڭكە ۇيىمداستىرىلىپ وتىرادى. بۇل شاراعا «نۇر وتان» پارتياسى مەن قر ساۋدا-ونەركاسىپ پالاتاسى ۇيىتقى بولىپ وتىر. الداعى جوسپارىمىزدى ايتار بولساق, جاستارعا ارنالعان 3D فورماتتاعى شاعىن-شاعىن بىرنەشە كينوتەاتر اشپاق ويىمىز بار. سونداي-اق, قولونەر شەبەرلەرىنە ەداۋىر اۋماقتى تەگىن جالعا بەرۋدى قاراستىرىپ وتىرمىز. ءبىزدىڭ كومپانيانىڭ ساياساتى, تىكەلەي «نۇر وتان» پارتياسىنىڭ تاپسىرمالارىنا نەگىزدەلەدى, ياعني, حالىقتىڭ تۇرمىس-تىرشىلىگىن وڭتايلاندىرۋعا بارىنشا قولداۋ بىلدىرەمىز,–دەدى جاڭا ساۋدا ورتالىعىنىڭ اشىلۋ سالتاناتىندا سويلەگەن سوزىندە «نۇر» كومپانياسى ديرەكتورلار كەڭەسىنىڭ توراعاسى قايىرلى تاۋكەن.
«سامعاۋ» امبەباپ بازارى تۇساۋكەسەر سالتاناتىنىڭ رەسمي بولىمىنەن كەيىن جارمەڭكە جانە «جاقسىنىڭ ءبارى – بالالارعا» اتتى بالالار شىعارماشىلىعىنىڭ بايقاۋى, شاحماتتان تۋرنير وتكىزىلدى. بەلسەندى قاتىسۋشىلارعا ءار ءتۇرلى سىيلىقتار بەرىلدى.
