اپتا ۇزدىگى
وسى اپتادا قازاقتىڭ تانىمال مۋزىكانتى, سكريپكاشى مارات بيسەنعاليەۆ ايگىلى اعىلشىن كومپوزيتورى ەدۆارد ەلگاردىڭ شىعارماشىلىعىن زەرتتەۋگە قوسقان ۇلەسى ءۇشىن «ەلگار فاۋندەيشن» امەريكالىق قورىنىڭ التىن ديسكىسىمەن ماراپاتتالدى
فرانتسيا استاناسى پاريجدە وتكەن بۇل شاراعا مادەنيەت قايراتكەرلەرى, قر سىرتقى ىستەر مينيسترلىگىنىڭ جانە بيزنەستىڭ وكىلدەرى قاتىستى.
اتاقتى مۋزىكانتقا كەش بارىسىندا التىن ديسكىمەن قوسا اۆستراليالىق سۋرەتشى رالف ليلليفوردتىڭ ەدۆارد ەلگاردى بەينەلەگەن پورترەتى تارتۋ ەتىلدى.
اپتا انىعى
وسى اپتادا «قازاقستان رەسپۋبليكاسىنىڭ مەملەكەتتىك قىزمەت ماسەلەلەرi بويىنشا كەيبىر زاڭنامالىق اكتىلەرىنە وزگەرiستەر مەن تولىقتىرۋلار ەنگiزۋ تۋرالى» قازاقستان رەسپۋبليكاسىنىڭ زاڭى ءوز كۇشىنە ەندى. زاڭعا سايكەس, بۇدان بىلاي ەلىمىزدەگى مەملەكەتتىك قىزمەت تىزىمىنەن «باستىق» ءسوزى الىنىپ تاستالدى.
«باستىق» ءسوزى تەك «قر پرەزيدەنتى كەڭسەسىنىڭ باستىعى» لاۋازىمىندا, قۇقىق قورعاۋ جۇيەسىندە, قورعانىس مينيسترلىگىندە ساقتالىپ قالادى.
«سەبەبى, بۇل جۇيەلەردە مەملەكەتتىك قىزمەتشىلەر مەن باسشىلار اراسىنداعى قارىم-قاتىناس باسقا قاعيدالارعا نەگىزدەلگەن» دەيدى قر مەملەكەتتىك قىزمەت ىستەرى جونىندەگى اگەنتتىكتىڭ توراعاسى ءاليحان بايمەنوۆ. سونداي-اق, ونىڭ ايتۋىنشا, «باستىق» ءسوزى تەرىس ۇعىمعا اينالىپ كەتكەن. سول سەبەپتەن مەملەكەتتىك قىزمەتشى لاۋازىمىنداعى جاڭا تىزىلىمنەن الىنىپ تاستالعان.
اپتا ۇسىنىسى
تۇرسىنبەك ومىرزاقوۆ, ماجىلىس دەپۋتاتى
«قازاقستاندىقتاردىڭ 70 پايىزى دارىگەرلەردىڭ جۇمىسىنا نارازى. ونىڭ ۇستىنە, سوڭعى كەزدەرى ناۋقاس پەن دارىگەر اراسىنداعى كيكىلجىڭدەر كۇرت كوبەيىپ كەتتى. قاي تاراپتىڭ ايتقانى دۇرىس بولسا دا, قولدارىندا دالەلى جوق. ەگەر مەملەكەتتىك مەكەمەلەردە بەينەباقىلاۋ ورناتار بولساق, ءبىرىنشىدەن, جۇمىستىڭ تيىمدىلىگىن ارتتىرامىز, ەكىنشىدەن, قوعامداعى كوپتەگەن تۇسىنىسپەۋشىلىكتى شەشەمىز. رەسەي مۇنداي جۇيەنى بەكىتىپ, قازىر قولدانىسقا جىبەردى, ناتيجەسى دە جامان ەمەس. ءتىپتى, جەكە باسىمنان ءوتتى, دارىگەردىڭ ءوز ىسىنە سالعىرتتىعى سالدارىنان جاقىن تۋىسىمدى جوعالتتىم. اقىرى دالەلدەي الماي, اۋرە-سارساڭعا تۇستىك. بۇل تەك ءبىر عانا مىسال, شىن مانىندە, بۇل مىسالدىڭ مىڭداعان ەكەنى جاسىرىن ەمەس».
(«الاش ايناسى» گازەتى)
اپتا جاڭالىعى
وسى اپتادا ۇلتتىق بانك 2000 تەڭگەلىك جاڭا بانكنوتانى اينالىمعا شىعاردى
ولشەمى 139ح73 مم بولاتىن جاڭا 2000 تەڭگەلىكتىڭ ديزاينى دا وزگەرگەن. قويۋ جانە اشىق جاسىل ءتۇستى بانكنوتتىڭ وڭ جاعىندا «قازاق ەلi» مونۋمەنتى, ورتادا ۇشىپ جۇرگەن كەپتەردىڭ بەينەسى ورنالاسقان. تومەنگى بولىگىندە كيىكتىڭ, جوعارى بولىگىندە قازاقستان رەسپۋبليكاسىنىڭ مەملەكەتتىك نىشاندارى ەلتاڭبا جانە تۋ بەينەلەنگەن. سول جاق تومەندە جانە جوعارى جاقتا نومينالدىڭ تسيفرلىق بەلگىلەنۋى باسىلعان, سول جاقتا ورتادا نومينالدىڭ مەملەكەتتىك تىلدەگى ارىپتىك بەلگىلەنۋى جازىلعان. ال, سىرتقى بەتىندە ەرتىس وزەنى بەينەلەنگەن قازاقستان كارتاسىنىڭ سۇلباسى كولدەنەڭىنەن ورنالاسقان. وڭ جاعىندا كيىز ءۇي جانە مەملەكەتتىك تۋدىڭ بەينەلەرى بار ەنى 13 مم گولوگرافيالىق جولاق ورنالاسقان.
اپتانىڭ ەسەپ-قيسابى
استانا قالاسى ستاتيستيكا دەپارتامەنتىنىڭ وسى اپتادا تاراتقان ءمالىمەتى بويىنشا, استانادا ناۋرىز ايىندا كۇنباعىس مايى, ماي, قانت, قۇس ەتى, قاراقۇمىق سياقتى الەۋمەتتىك تاعامدار مەن بىرقاتار كوكونىستەردىڭ باعاسى ءبىرشاما تومەندەگەن.
ناقتىراق ايتقاندا, قاراقۇمىق – 2,7 پايىزعا, كۇنباعىس مايى – 1,4 پايىزعا, قانت – 1,3 پايىزعا, تاۋىق ەتى 0,6 پايىزعا ارزانداپتى.
سونداي-اق, ماكارون ونىمدەرى 2,4 پايىز, تۇز بەن شاي 2,2 پايىز, جۇمىرتقا 1,4 پايىز, ايران 0,4 پايىز ارزان باعاعا ساتىلعان.
كوكونىس ونىمدەرىنىڭ باعاسى دا قاراپايىم حالىق ءۇشىن قولجەتىمدى باعادا بولدى. ويتكەنى, پياز الدىڭعى ايلارمەن سالىستىرعاندا 5,8 پايىزعا, كارتوپ 2,2 پايىزعا, ورامجاپىراق پەن ءسابىز 2,1 پايىزعا تومەندەتىلدى.
ەستەرىڭىزدە بولسا, ستاتيستيكا دەپارتامەنتى بيىلعى اقپان ايىندا ەت باعاسىنىڭ دا ايتارلىقتاي تومەندەگەنىن حابارلاعان بولاتىن.
اپتا اقپارى
4 ساۋىردەن باستاپ پارلامەنت ءماجىلىسىنىڭ دەپۋتاتتارى ەل وڭىرلەرىن ارالاۋعا شىعادى.
وسى اپتادا «نۇر وتان» حدپ فراكتسياسىنىڭ مۇشەلەرى باس قوسىپ, ماڭىزدى ساپار قارساڭىندا الداعى جۇمىستىڭ كوكەيكەستى ماسەلەلەرىن تالقىلادى.
ءماجىلىس توراعاسى, «نۇر وتان» فراكتسياسىنىڭ جەتەكشىسى نۇرلان نىعماتۋلين دەپۋتاتتارعا اينالىسىپ جاتقان جۇمىسىنان الشاق كەتپەۋى ءتيىس ەكەندىگىن اتاپ كورسەتتى. «ءاربىر زاڭ جوباسى ءبىرىنشى كەزەكتە ادامدار ءومىرىن جاقسارتۋعا باعىتتالۋى شارت» دەدى ول.
دەپۋتاتتار ايماقتاردا 13 ساۋىرگە دەيىن بولادى. ال كەزدەسۋلەر تىكەلەي ەڭبەك ۇجىمدارىندا, وندىرىستەردە, سونداي-اق, الەۋمەتتىك نىسانداردا وتكىزىلەدى دەپ جوسپارلانىپ وتىر.
اپتا زەرتتەۋى
قر ۇلتتىق بانكىنىڭ مالىمەتىنشە, قازاقستاندا ءبىر بانكوماتقا – 1860, 1 تەرمينالعا 483 ادامنان كەلەدى ەكەن.
ال, رەسەيدەگى جاعدايمەن سالىستىراتىن بولساق, وندا 2012 جىلدىڭ باسىندا 1 تەرمينالعا – 270, ال ءبىر بانكوماتقا 1007 ادامنان كەلىپتى.
ەلىمىزدەگى بۇگىنگى كۇنى 33 مىڭ 318 POS-تەرمينال بار بولسا, ونىڭ 27 مىڭ 325-ءى ساۋدا جانە قىزمەت كورسەتۋ ورىندارىندا ورناتىلعان. سونداي-اق, 8 مىڭ 652 بانكوماتتىڭ 1040-ىندا اقشا قابىلداۋ قىزمەتى قاراستىرىلعان.
اپتانىڭ «كەرەكتەرى»
شاكىر ىبىراەۆ,
تۇركى اكادەمياسىنىڭ پرەزيدەنتى:
«ناۋرىز مەرەكەسىنىڭ تۇپكى اتريبۋتتارى مەن عۇرىپتىق راسىمدەرىن جۇيەلى جولعا قويىپ, ول ءۇشىن «ناۋرىزناما» ما, باسقا ما, ايتەۋىر, مەملەكەتتىك دەڭگەيدەگى مادەني باعدارلاما قابىلداۋ كەرەك»;
سەيىتقازى ماتاەۆ,
قازاقستان جۋرناليستەر وداعىنىڭ باسقارما توراعاسى:
«بۇقارالىق اقپارات قۇرالدارىنىڭ وكىلدەرىنە سالىناتىن ايىپپۇل كولەمىن ازايتۋ كەرەك»;
ازات پەرۋاشەۆ,
قر پارلامەنتى ءماجىلىسىنىڭ دەپۋتاتى:
«كەز كەلگەن زەينەتاقى قورى بانكروتقا ۇشىراسا, وندا سالىمشىلار قاراجاتىنان ايىرىلادى. سوندىقتان, بىرىڭعاي زەينەتاقى جۇيەسىن قۇرۋ كەرەك».
شىنار دوسان
