ساۋلەتى مەن ارلەنىمى فرانتسۋزدىق ساندە سالىنعان «پاريج كۆارتالىنىڭ» العاشقى ءۇيى قولدانىسقا بەرىلدى.
ليۋدوۆيك XIV زامانىنان سىر شەرتەتىن شاڭىراقتا شىراعىن جاعۋعا نيەتتىلەر ازىردەن كوپ. بۇگىننىڭ وزىندە بۇل ءۇيدىڭ باسىم پاتەرلەرى ءوز يەلەرىن تاپقان. ەسىك الدىنا توسەلگەن قىزىل كىلەم, اسەرلى اۋەن بارلىعى مەيلىنشە پاريجدىك رۋح بەرۋدىڭ اككى ادىستەرى.
بىراق باسى ارتىق بۇل تاسىلدەرسىز-اق, ءۇيدىڭ پاريجدىك ساۋلەتى كوزگە كورىنەدى.
تۇرعىن-ءۇي كەشەنى وقشاۋلانعان التى قاباتتى التى ۇيدەن تۇراتىن بولادى. ونىڭ ۇشەۋى 26 پاتەردەن, قالعاندارى 14 پاتەردەن سالىنباق.
Digital home, ياعني «اقىلدى ۇيگە» بەلگيالىق جوعارى تەحنولوگيالىق قۇرىلعىلار قوندىرىلعان. ونىڭ كومەگىمەن تۇرعىن-ءۇيدىڭ قوجايىنى قاشىقتىقتا وتىرىپ-اق, ۇيالى تەلەفون ارقىلى ۇيدەگى بارلىق قۇرىلعىلاردى باسقارا الادى.
ايدىن راحىمباەۆ, «ۆI GROUP» حولدينگىنىڭ ديرەكتورى:
بۇل ءۇيدى سالۋعا ءبىز بار تاجىريبەمىز بەن بىلىگىمىزدى ارنادىق. ءۇيدىڭ قۇرىلىسىنا سيرەك, ءارى قىمبات ماتەريالدار پايدالانىلدى. ماسەلەن, سىرت قابىرعالارى كەراميكالىق كىرپىش, فاسادتىق زەر مەتالدان, ال, تەرەزەلەر مەن تەرەزە الدى تاقتايلار افريكادان اكەلىنگەن سيرەك اعاشتارمەن ارلەندى. سونداي-اق, ءار پاتەرگە پاريجدىك ۇيلەرگە ءتان الاۋوشاق ورناتىلدى.
انتون ماكسيموۆ, ساۋلەتشى:
بۇل كەشەننىڭ تۇرعىندارىنا جەكە سەرۋەندەۋگە ارنالعان ساياباعى بولادى. ونداعى ءاربىر ءمۇسىن, وتىرۋعا ارنالعان ورىندارعا بارىنشا پاريجدىك بوياۋ بەرۋگە تىرىسامىز. سونداي-اق, كۇمبەزدى دوڭگەلەك ۇيلەر, شاتىرلى جاپپا مەن تاستارمەن قاشالعان تروتۋارلار جانە ساباقتارى جەر باۋىرلاي وسەتىن ءبۇرلى اعاش, البەتتە, كۆارتالعا پاريجدىك اۋرا بەرەتىن بولادى.
