استانا قالاسىنىڭ جۇمىسپەن قامتۋ ورتالىعى 2013 جىلدان باستاپ «جۇمىسپەن قامتۋ – 2020» باعدارلاماسىن جۇزەگە اسىرۋ اياسىندا بارلىق جۇمىس بەرۋشىلەردەن ولارعا قاجەتتى ءارى وزدەرى بولاشاقتا جۇمىسپەن قامتاماسىز ەتەتىن ماماندىق بويىنشا كاسىپكە دايارلاۋعا ءوتىنىم قابىلداي باستايدى.
مەكەمەلەر كاسىپتىك وقىتۋ قاي جەردە وتەتىنىن ءوز الدىنا دەربەس انىقتاي الادى. ال ۇمىتكەر وقۋىن تولىق اياقتاعان سوڭ جۇمىسپەن قامتۋ ورتالىعى جۇمىس بەرۋشىگە ونىڭ وقۋىنا كەتكەن شىعىننىڭ 70 پايىزىنا دەيىن وتەيدى. سونداي-اق, 2013 جىلدان باستاپ باعدارلاما اياسىندا جۇمىسپەن قامتىلعان قىزمەتكەرلەرىن قايتا دايارلاۋ نەمەسە بىلىكتىلىكتى ارتتىرۋدى ۇيىمداستىرۋعا مۇمكىندىك تۋادى. بۇدان وزگە جۇمىس بەرۋشىلەر جوعارى جانە ورتا وقۋ ورىندارى تۇلەكتەرىنە ماقساتتى توپتار مەن جاستار تاجىريبەسى ءۇشىن الەۋمەتتىك جۇمىس ورىندارىن ۇيىمداستىرۋعا قاتىسا الادى. بۇل جۇمىس مەملەكەت ەسەبىنەن جۇمىس بەرۋشىنىڭ شىعىنىن وتەماقى رەتىندە قارجىلاندىرادى.
2013 جىلعى باعدارلاماعا قاتىسۋعا نيەت بىلدىرۋشىلەر 2012 جىلدىڭ ءتورتىنشى توقسانىندا جۇمىسپەن قامتۋ ورتالىعىنا حابارلاسۋى قاجەت. بارلىق سۇراقتار بويىنشا برۋسيلوۆسكي كوشەسى, 17/3 مەكەن-جايى بويىنشا 57-88-88, 57-88-87, 57-87-42, 57-89-42 تەلەفوندارىنا جانە cz@astana.kz ەلەكتروندى پوشتاسىنا حابارلاسۋعا بولادى.
