كەشە بۇكىلالەمدىك قورشاعان ورتانى قورعاۋ كۇنىنە وراي, «استانا- كوگالداندىرۋقۇرىلىسى» اق باس-تاماسىمەن اعاش وتىرعىزۋ اكتسياسى ءوتتى. اۋعانستان سوعىسى ارداگەرلەرىنىڭ ساياباعىندا وتكەن شاراعا استانا اكىمدىگى قولداۋ ءبىلدىردى.
جىل سايىن 5 ماۋسىمدا بۇكىلالەمدىك قورشاعان ورتانى قورعاۋ كۇنى اتالىپ وتەدى. بۇل كۇنى الەمنىڭ جەر-جەرىندە جاسىل جەلەكتەر وتىرعىزىلىپ, كوگالداندىرۋ ىسىنە ايرىقشا ءمان بەرىلەدى. بۇل يگى باستاما باس قالادا دا قولعا الىندى. اعاش وتىرعىزۋ اكتسياسىنا اۋعانستان سوعىسىنىڭ ارداگەرلەرى كەلدى.ۇجىممەن بىرگە تال ەگۋگە كەلگەن «استانا-كوگالداندىرۋقۇرىلىسى» اق باس ديرەكتورى جارقىن جۇماعۇلوۆ بىزبەن اڭگىمەسىندە «بۇل ءىس-شارا ەكولوگتار كۇنىنە بايلانىستى ۇيىمداستىرىلدى. مۇنداي جاۋاپتى ءارى ساۋاپتى ءىستى جىل سايىن وتكىزىپ, داستۇرگە اينالدىرۋدى كوزدەپ وتىرمىز», – دەدى.
ايگەرىم ەسماعانبەتوۆا,
ا.بايتۇرسىنۇلى اتىنداعى قمۋ-ءدىڭ ستۋدەنتى
