استانادا №73 مەكتەپ-ليتسەيىنىڭ جانىنان پسيحو- لوگيالىق-پەداگوگي-كالىق تۇزەتۋ كابينەتى اشىلدى.
بۇگىنگى تاڭدا استانا قالاسى بويىنشا كورۋ قابىلەتى ناشار, كوزى كورمەيتىن جانە ەستۋ قابىلەتى تومەن بالالارعا ارنالعان ەكى پسيحولوگيالىق-پەداگوگيكالىق تۇزەتۋ كابينەتى جۇمىس ىستەيدى. ولار «دارا» قايىرىمدىلىق قورىنىڭ قولعابىس ەتۋىمەن اشىلعان. ال مىناۋ – ەلورداداعى ءۇشىنشى كابينەت.
كۇننەن كۇنگە حالقىنىڭ سانى وسكەن استانا ءۇشىن بالالارعا ارنالعان تۇزەتۋ كابينەتتەرى جەتىسپەيدى. اسىرەسە, اۋتيزمگە شالدىققان بالالاردى قوعامعا بەيىمدەيتىن, ءارتۇرلى داعدىلاردى وقىتۋعا جانە ولاردى ساۋىقتىرۋعا قاجەتتى قۇرال-جابدىقتارى بار كابينەتتەردى اشۋ وزەكتى بولىپ تۇر.
جىل سايىن ارنايى پسيحولوگيالىق-پەداگوگيكالىق تۇزەتۋ قىزمەتىنە جۇگىنەتىن بالالاردىڭ قاتارى ارتىپ كەلەدى. پسيحولوگيالىق-پەداگوگيكالىق كەڭەستەر دەرەكتەرىنە سۇيەنسەك, استانادا دامۋىندا كەمىستىگى بار 8504 بالا بار. ونىڭ ىشىندە 0-دەن 7 جاسقا دەيىنگى 473 بالانىڭ سەزىمدىك ەركى مەن مىنەز-قۇلقى بۇزىلعان, اۋتيزمگە شالدىققان, 117-ءسى – مۇمكىندىگى شەكتەۋلى جاندار (2015 جىلى – 372, ولاردىڭ 95 مۇمكىندىگى شەكتەۋلى).
كابينەت قولدانىسقا تاپسىرىلعان سوڭ, قاجەتتى قىزمەتتەر بالالارعا ەرتە جاستان كورسەتىلەدى. ونىڭ ارقاسىندا ەرەكشە قاجەتتىلىگى بار بالالار الەۋمەتتىك تۇرعىدا بەيىمدەلىپ, تۇزەتۋ كومەگى دەر كەزىندە كورسەتىلەدى. ال ولاردىڭ اتا-انالارىنا كەڭەس الۋعا مۇمكىندىك بەرىلەدى.
№3 پپتك اشىلۋى دامۋىندا كەمىستىگى بار بالالاردى قورشاعان ورتاعا بەيىمدەيدى, ولاردىڭ قابىلەتتەرىن, يكەمدەرىن دامىتادى.
ارنايى كابينەت قىزمەتى ارنايى مەكتەپكە دەيىنگى مەكەمەلەرگە بارمايتىن 7 جاسقا دەيىنگى بالالاردى كوررەكتسيالىق قولداۋعا باعىتتالادى. بىلىكتى ماماندار توبى جەكە-دامىتۋشى باعدارلامالارعا سايكەس, ساۋىقتىرۋ جۇمىستارىن جەكە, توپتىق ساباقتاردا جۇرگىزەدى. سونىڭ ناتيجەسىندە بالالاردىڭ پسيحوفيزيولوگيالىق دامۋىندا جاقسى وزگەرىستەر بولادى دەپ كۇتىلۋدە.
№3 تۇزەتۋ كابينەتى «بولاشاق» كورپوراتيۆتى قورىنىڭ قولداۋىمەن «ءاربىر بالا مەكتەپكە بارۋعا لايىق» قاناتقاقتى جوباسى اياسىندا جۇزەگە اسىرىلىپ وتىر. قوردىڭ قايىرىمدىلىق قاراجاتى ەسەبىنەن كابينەتكە جوندەۋ جۇمىستارى ءجۇرگىزىلىپ, قاجەتتى قۇرالدارمەن جابدىقتالدى.
